Popular Bible Verses from Римын оліссезлӧ 3

Share

Быдӧнныс эд умӧльсӧ керисӧ да ӧштісӧ Енлӧн югьялӧмын олӧмсӧ. Но Енлӧн бурсетӧмсянь отирыс лоасӧ Ен сьӧрті веськыта оліссезӧн. Нылӧ сы понда оз ков вештісьны. Кристос Исусыс эд быд морт туйӧ вештісис Аслас оланӧн.

Быд морт, кин бы сія эз вӧв, Кристос Исуслӧ веритӧмыс понда лоас Ен сьӧрті веськыта олісьӧн.

Отиркӧт бурасьӧм понда Еныс сетіс кисьтны Кристослісь вирсӧ. Сылӧн кисьтӧм вирыс мездӧ Сылӧ быд веритісьсӧ. Одззася умӧль керӧммезнымӧс Еныс проститіс. Мийӧ нійӧ керим, кӧр Еныс мылаыс быртӧг видзчисис отирсӧ. Ӧні Еныс мыччаліс ─ Сія быдӧс керис веськыта. Сія Ачыс веськыта Олісь и керӧ веськыта олісьӧн Исуслӧ быд веритісьсӧ.

Еныс одзын эд Туйдӧт сьӧрті олӧмнас мортыс оз ло Ен сьӧрті веськыта олісьӧн. Туйдӧтас висьталӧм сьӧрті дзир тӧдамӧ умӧль керӧмнымӧс.

Вежа Гижӧтсис лыддьӧтам: ─ Ен сьӧрті веськыта олісьыс ӧтік абу. Абу вежӧртіссес, абу Енсӧ кошшиссес. Быдӧнныс ылалісӧ туй вывсис, ӧтікӧдз озӧ туйӧ. Абу бурсӧ кериссес, ӧтік абу.

Мийӧ вежӧртім: мортсӧ Еныс керӧ Сы сьӧрті веськыта олісьӧн Кристослӧ веритӧм понда, Туйдӧт сьӧрті керӧм вылӧ видзӧттӧг.

Оз эд. Быд мортыс ─ бӧбӧтчись, но Еныс оз вежлы Ассис висьталӧмсӧ. Вежа Гижӧтас тай висьталӧм: ─ Тэ висьталан веськыта, кыдз эм. Аслат суд вылын бӧрйисьӧмыт коста тэ верман.