Popular Bible Verses from Римын оліссезлӧ 2

Share

Тэ осудитан сэтшӧма кериссесӧ, ачыт тай сідз жӧ керан. Он я тэ видз юрат: ог пӧ сюр Енлӧн суд вылӧ. Поди, тэ абутӧм туйӧ пуктан Еныслісь небыт сьӧлӧмсянь бур керӧмсӧ да мылаыс быртӧг дыр видзчисьӧмсӧ, а ачыт тай он вежӧрт керсьӧмсӧ. Еныслӧн небыт сьӧлӧмсянь керӧмыс эд вайӧтӧ тэнӧ умӧль керӧммет дынісь Енлань бергӧтчӧмӧдз.

Он вермы дорйыны асьтӧ, мӧдікӧс осудитісь морт. Мӧдікӧс осудитӧмыт эд висьталӧ ас йывсит. Тэ эд ачыт сійӧ жӧ керан.

Еныс эд оз видзӧт чужӧм сьӧрті.

Ен сьӧрті веськыта оліссес нія, кӧдна олӧны Туйдӧтыс сьӧрті. Абу нія, кӧдна дзир кывзӧны Туйдӧтсис тшӧктӧммесӧ.

Еныс эд быд мортлӧ сетас олікӧ керӧмыс сьӧрті.

А лёкыс да лӧгыс дӧнзясӧ асьнысӧ вылына лэбтіссеслӧ. Нія озӧ кывзісьӧ Еныслісь быльсӧ, лэдзчисьӧмась ылӧтчыны.

Тэ он тӧждісь умӧльсӧ керӧмыт кузя. Аслат мугсьӧм понда тэ ачыт аслыт ӧктан лӧгсӧ, кӧда локтас тэ вылӧ Лӧг лунас Еныслӧн веськыта судитӧм коста.