Popular Bible Verses from 1 Иоан 4

Share

Радейтӧмын абу полӧмыс. Вынася-вына радейтӧмыс вашӧтӧ полӧмсӧ. Мортыс кӧ полӧ мыжйӧмись, радейтӧмыс абу на поздісьӧм сыын.

Челядь, тійӧ Енсянь. Тійӧ вермит нійӧ, кӧдна асьнысӧ пуктӧны Енсянь юӧртіссезӧ. Тіян пытшкын Олісьыс эд вынажык му вылісьысся.

Пондам радейтны Енсӧ, одзжык эд Сія пондіс радейтны миянӧс.

Донаэзӧ, пондам радейтны ӧтамӧднымӧс. Радейтӧмыс эд локтӧ Енсянь. Быд радейтісьыс шогмис Енсянь, тӧдӧ Енсӧ.

Оз кӧ кин радейт, сія оз тӧд Енсӧ. Еныс эд и эм радейтӧмыс.

Енсӧ миян радейтӧмным абу радейтӧм. Былись радейтӧмыс то мыйын: Еныс миянӧс радейтӧ. Сія ыстіс Ассис Зонсӧ вештісьны миян умӧль керӧммез понда.

Донаэзӧ, Еныс кӧ сідз радейтӧ миянӧс, и миянлӧ колӧ радейтны ӧтамӧднымӧс.

Еныс миянлӧ мыччаліс Ассис радейтӧмсӧ. Сія ыстіс му вылас Ассис ӧтка Зонсӧ, медбы Сы пыр сетны миянлӧ олан.

Баитӧ кӧ кин, ме пӧ радейта Енсӧ, а ачыс тай синӧн оз вермы видзӧтны воныс вылӧ, сія мортыс бӧбӧтчись. Сія оз радейт син одзас олісь вонсӧ. Вермас я сія радейтны адззывлытӧм Енсӧ?

Мортыс шуӧ кӧ Исуссӧ Енлӧн Зонӧн, сэк Еныс олӧ сія морт пытшкын, а сія ─ Еныс пытшкын.

Миян эм Сылӧн сэтшӧм тшӧктӧм: Енсӧ радейтісьыс ась радейтӧ и вонсӧ.

Донаэзӧ, быд ловлӧ эд веритӧ. Ловвесӧ тӧдмалӧ-видзӧтӧ, Енсянь я нія. Му вылас уна лоисӧ асьнысӧ Енсянь юӧртіссезӧ пуктіссес. Ен Ловсӧ тӧдны позьӧ сідз: висьтасьӧ кӧ кин Кристос Исусыс йылісь ─ Сія локтіс пӧ морт вывтырын, то сія лолыс Енсянь.

Морт вывтырын локтӧм Кристос Исус йылісь лолыс оз кӧ висьтась, сія абу Енсянь, сія Кристос вылӧ лэбтісись антикристсянь. Тійӧ сы йылісь кывліт ни, сія пӧ локтас. Ӧні сія му вылас ни.