Popular Bible Verses from Geloxi 3

Share

Ene kun hhe kunde boxin kieliekui bise aghuide sumulazhi nieniene roulie. Ezhan tai matugie rouliezhoshi taye qingiezhi kunlai roulie.

Ta zemin jiereshiku shiqinni bu sumuladene asiman jiereshiku shiqinni sumula.

Ta yan giese kunlade gieku mutun bu giedene Ezhande gieku mutun zhughesene gie.

Tashi Huda sunghusan, zhiguitu, oresan kun wo. Ingiese ta ubali xiiku, gou zhughe, meilade uzheku, renyi, rennai giekui musi.

Ta Mexihani kielienyi zhughedene zhengiejia olonde teizhi soyuji aghelighala nieniedene surughazhi nieniene jingao gie. Mafan gieku zhugheghala shige, zanmeige, ganjin donghala Hudade doula. Ta yan kieliezhi yan gieliuzhe Ezhan Ersa ni niereghala gie. Hhei tungo giezhi ada Hudade mafan kielie.

Enelase chugo orekui musi. Oreku manlai lienjighazhi hulunshighane.

Ingiese ta Mexihare hhantu aminne oluse asiman jiereshiku shiqinni erei. Hhende Mexiha Hudai borun miende souzho.

Mexihani pinnan tai zhughei gonji gie. Ene pinnande oluzhi tai uruzhi nie beye gholughawo. Taye chan mafan kielie.

Ingiese tai sudoro bisan zemin jieredu zui gieku duranlai fugugha, jiushi lon kijieku, zannanni, nefuxin, doghunnii sumulaku, tanxin gieku wo. Tanxin giese nigiedai beiizho.

Ta ijin fuguzhi tai amin Mexihare hhantu Hudai sudoro niuizho.

ede ta hokuku, piqi shuaiku, doghunni, kufurei fanjiku, shizheku kielienlai man widagha.

Ta nieniedene ghudan bu kielie. Ta khuichen kun, pse hhe giedanlai teidene shini kunni musizho. Ene shini kun hhei zhayaghasan Ezhanyi yanzizhe hhei tanizhi izhi shinishizho.

Zhanguijila biereidene ore, hhelai bu zayala.

Kewosila, yandeliuzhe ana adanughunne chenlie, eneshi Ezhan bayasukui wo.

Biereila, zhanguijine shunji, ene Ezhanyi miende heshi wo.