Popular Bible Verses from Румазухъе кагъат 3

Share

Киналго мунагьалъукье ккун рукӀана, киналго махӀрумлъун рукӀана Аллагьасдасан рещтӀараб Нуралдаса. Цинги, Гьесул баркат лъун, чӀобого щвана нилъее Аллагьасда цере ритӀухълъи. МасихӀ ГӀисадалъун рецӀел щведалин гьел ритӀухълъарал.

ГӀиса МасихӀиде иман лъеялдалъун Аллагьас насиблъизабураб ритӀухълъи ккола гьеб. Щивниги ватӀа гьавичӀого, кинавго иман лъурав чиясе загьирлъана гьеб нух.

Аллагьас гьев къурбанлъун гьавуна, гӀадамазул мунагьал гьесул биялдалъун ва гьесде иман лъеялдалъун чуризе. Цебе, жинца гьел хӀехьон рукӀараб заманалда, гьез гьарурал мунагьазда тӀасаги лъугьун, жиндирго ритӀухълъи загьир гьабуна Аллагьас. Живго ритӀухъав вукӀин ва ГӀисаде иман лъурал гӀадамал жинца ритӀухъ гьарулеллъиги бихьизабуна гьес гьанже. Гьеле гьедин загьир гьабуна Аллагьас живго ритӀухъав вукӀин.

Къануналъ малъухъе хьвадунилан цониги чи Аллагьас ритӀухъавлъун рикӀкӀунаро. Нилъер мунагь щиб жояли бихьизаби гурони, цоги щибха гьелдаса бугеб?

ТӀухьдузда хъван буго: «Цониги муъминчи гьечӀо, цохӀониги гьечӀо. Цониги бичӀчӀулев чиги гьечӀо, лъицаниги Аллагь валагьулев гьечӀо. Киназго Аллагьасде мугъ рехун буго, киналго квешлъун руго. ЛъикӀлъи гьабулев чиго гьечӀо, цохӀониги гьечӀо.

Мусал Къанун цӀуниялдалъун ритӀухълъичӀониги, божи-иманалдалъун инсан ритӀухълъулевлъи чӀезабулеб буго нижеца.

Киданиги гьабуларо! Аллагьас киданиги хвезабуларо жиндирго рагӀи, хӀатта киналго гӀадамал гьерсихъабилъун лъугьанигицин. ТӀухьдузда хъван буго: «Щиб Дуца абуниги, гьеб хӀакъаб букӀина, Дуде гӀайиб гӀунтӀизабурасдасаги Мун бергьина».