Popular Bible Verses from Иоаннил тӀоцебесеб кагъат 4

Share

Рокьи бугелъуб хӀинкъи букӀунаро, камилаб рокьиялъ хӀинкъи къватӀибе гъола, щайгурелъул гӀадамал хӀинкъулеб жо тамихӀ бугелъул. ХӀинкъарасулъ рокьи камиллъуларо.

Нуж Аллагьасулал руго, дир лъимал, ва нуж гьел рухӀаздаса бергьана. Нужелъ бугеб рухӀ гӀемерго къудратаб бугелъул гьаб дуниялалъул гӀадамазулъ бугеб рухӀалдаса.

Нилъее Аллагь вокьула, тӀоцерего гьесие нилъ рокьидал.

Цоцазе рокьа, хириял, рокьи Аллагьасдасан бачӀараб буго, рокьи рекӀелъ бугевщинав чи Аллагьасдасан лъугьарав вуго, ва гьесда Аллагьги лъала.

Рокьи рекӀелъ гьечӀесда Аллагь лъаларо, Аллагьги рокьи кколелъул.

Гьеле гьелъулъ буго рокьи – Аллагь нилъее вокьиялъулъ гуреб, гьесие нилъ рокьиялъулъ ва нилъер мунагьал чуризе къурбанлъун гьес жиндирго Вас витӀиялъулъги.

Аллагьасе нилъ гьедин рокьулел ругеб мехалда, нилъ цоцазеги рокьизе ккола, хириял.

Аллагьасул нилъеде бугеб рокьи гьадин загьирлъана: гьес жиндирго цохӀого вугев Вас дуниялалде витӀана гьесдалъун нилъеца гӀумру гьабизе.

Дие Аллагь вокьулинги абун, жиндирго вац рихарав чи гьерсихъан вуго. Жиндаго вихьулев вац вокьуларев чиясе вихьуларев Аллагь вокьизе рес гьечӀелъул.

ГӀиса Аллагьасул Вас вукӀин ритӀухъ гьабулев чиясулъ Аллагь хутӀула ва Аллагьасулъ гьевги хутӀула.

Нилъее МасихӀидасан амру буго Аллагь вокьулесе гӀадамалги рокьизе кколилан.

Аллагьасдасан бачӀараб рухӀ жиндилъ бугин абуравщинав чиясда божуге, хириял. Гьезул хӀалбихье, Аллагьасдасанищ гьел ругелали лъазе. ГӀемерал гьересиаварагзаби рахъун ругелъул гьаб дуниялалда. Аллагьасдасан гьеб рухӀ букӀин гьадин лъазе кӀола: инсанасул къаркъала-черхгун ГӀиса МасихӀ ракьалде вачӀун вукӀин ритӀухъ гьабулевщинасулъ буго Аллагьасдасан бачӀараб рухӀ.

ГӀиса ритӀухъ гьавуларевщинав чиясулъ бугеб рухӀ Аллагьасдасан бачӀараб гуро. Гьеб буго Тажалидасан бачӀине бугилан нужеда рагӀун букӀараб ва гьанже дуниялалде бачӀун бугеб рухӀ.