Popular Bible Verses from Колоссыын улӥсьёслы 2

Share

Соин ик, Кузё-Инмарез Иисус Христосэз кабыл басьтӥды бере, Со бордын улэ. Со борды выжыдэс лэзе, ӝужалэ-пушъе, оскондэс юнматэ. Солы тӥ дышетэмын уго. Оскон бордын азинлык басьтыса, Инмарлы тау карыса улэ.

Чаклаське, агай-вынъёс, нокин но тӥледыз Христос бордысь потымтэ ӧрекчи дышетонъёс пала медаз кыскы вал. Соос луо та дуннелэн, адямиослэн мадён-веранэнызы герӟаськем дышетонъёс.

Инмар тӥледыз но, сьӧлыкъёсыныды сэрен лулмугордылэн вандӥськымтэ дыръяз кулэмъёсты, Христосэн ӵош улӟытӥз но асьмелэсь вань сьӧлыкъёсмес куштӥз. Асьмеды янгыше уськытӥсь косонъёсын гожтэтэз Со ӵушиз, со уго асьмелы пумит гожтэмын вал. Сое пӧлысьтымы басьтӥз но кирос борды кортӵогаз.

Уго Инмар луон быдэскыныз Христос бордын мугорын улэ. Тӥ но Христос бордын тыр луон басьтӥды. Со котькыӵе кузёйыръёслы, кивалтӥсьёслы йыр луэ.

Озьыен, нокин но тӥледыз медаз пыкылы, мар сииськоды, мар юиськоды шуыса, яке кыӵе ке праздникез утьымтэды понна, яке выль толэзь потонэз, яке суббота нуналэз сӥлы карымтэды понна. Та ваньмыз вуонолэн-лыктонолэн вужерез гинэ луэ, нош солэн мугорыз уго Христос луэ.