Соин ик ми но куке та сярысь кылӥмы, со нуналысен тӥ понна вӧсяськемысь ум дугдылӥське. Ялан куриськомы, Инмар тӥледлы мед усьтысал, мар Со тӥлесьтыд возьма-куре, Святой Дух бордысь потӥсь визьлыкез но тодон-валанэз Со тӥледлы мед сётысал шуыса. Соку тӥ Инмарлы ярамон-тупамон улысалды; котьмар ласянь Солы тэрытскыса, котькыӵе ӟеч ужъёсыныды емыш вайыны тыршысалды, Инмарез тодонды будысал.