Popular Bible Verses from Колоссыын улӥсьёслы 3

Share

Ог-огдэс чидаса улэ, кинлэн ке кин ке вылэ йыркурез вань ке, ог-огдылы простить каре, кызьы Христос тӥледлы простить кариз, озьы ик тӥ но простить каре.

Инмысез сярысь малпаське, музъем вылысез сярысь эн сюлмаське.

Ваньзэ, мае лэсьтӥськоды, лулысь-сюлмысь лэсьтэ, адямиослы кадь эн, Кузё-Инмарлы кадь лэсьтэ.

Тӥ Инмарлэн быръемъёсыз, вӧсяськись калык, Солэн яратоно муртъёсыз! Дӥсяське-шобырске гажась-жалясь, лякыт сямо, зӥбыт-востэм, кема чидась луонлэн дӥськутэныз.

Христослэн Кылыз тӥляд пушкады пачылмыса мед улоз. Огдэс огды псаломъёсын, кылбуранъёсын, духовной кырӟанъёсын дышетэ, визьмалэ, сюлмысьтыды Кузё-Инмарлы тау карыса кырӟалэ. Ваньзэ, мае тӥ лэсьтӥськоды, – кылын-а, уж вылын-а, ваньзэ Кузё-Инмарлэн Иисус Христослэн нимыз понна лэсьтэ, Со пыр Инмар Атайлы тау каре.

Эшшо яратонэн дӥсяське-шобырске, со дун-шектэм луонлэн шорсюлмыз луэ.

Озьыен, тӥ Христосэн ӵош кулэмысь улӟытыса султытэмын бере, Инмысь ӟечлыкез табере утчалэ, – отын, Инмарлэн бурпалаз, Христос пуке.

Тӥляд сюлэмъёсады Инмарлэн сётэм тупаса улонэз мед кузёяськоз. Тӥ ваньды одӥг Мугорлэн люкетэз луиськоды, тӥ тупаса улон понна ӧтемын. Ваньмыз понна тӥ тау карыса улэ.

Музъем вылысьсэ, мар вань пушкады, ваньзэ быдтэ: азыса-калгыса улонэз, кырсь ужез-малпанэз, азон сьӧлыклы ӝуатскем мылкыдэз, калгонлы-юмшанлы мылкыд лӧпкытонэз, узырлык вӧзы узырлык люкаса улонэз, – со сульдэръёслы-идолъёслы йыбыртъянэн одӥг радын сылэ.

Уго та дунне понна тӥ кулӥды ни, тӥляд улонды Христосэн огазе Инмар дорын ватэмын.

Нош табере ваньзэ таосты палэнтэ: лекъяськонэз, йыркурен пурӟонэз, вожпотонэз, кыл нуллонэз, урод-лек кылын вераськонэз

огдэс огды эн ӧрекчалэ, вужмем адями луондылэсь ”дӥськутсэ” кылиды ни, табере солэсь ужъёссэ эн ни лэсьтэ, Инмарез тодон-валан понна, аслаз Кылдытӥсезлы укшась луон понна ялан выльдӥськись выль адями луонэн тӥ дӥсяськиды ни

Пиосмуртъёс! Асьтэлэсь кышноостэс яратэлэ, лекъяськыса-уродъяськыса соосын эн улэ.

Нылпиос! Котьмар ласянь но анай-атайёстылэсь кылзӥськисесь луэ, уго со Инмарлы ярамон.

Кышномуртъёс! Асьтэлэн кузпалъёстылы тэрытскыса улэ, со Кузё-Инмарлы ярамон.