Popular Bible Verses from १ थेसलोनिकि 5

Share

उकुरै खुसि रया। जैलेपुनि प्रार्थना गरि रउ। स्‍हबै इस्‍तिथिमै धन्‍यबाद देउ, क्‍यानभुन्‍या ख्रिस्‍ट इसुमै तुमिहरुले यि कुडाहरु गर भुन्‍न्‍या परमेसोरको मुन यइ हो।

सान्‍तिका परमेसोर आपैले स्‍हबै तरिकाले तुमिहरुकन पबित्‍त पारुन्, र तुमिहरुका आत्‍मा, परान र हड हाम्‍मा प्रभु इसु ख्रिस्‍ट फेरि आउन्‍या दिनमै कोइ पुनि खोट नभया होस्। तुमिहरुकन घोइराउन्‍या परमेसोर बिसास गन्‍न्‍या लायकका छुन्, उनुले यि स्‍हबै कुडा पक्‍का गन्‍न्‍या छुन्।

याद राख, कैकनै नराम्‍मा कामको स्‍हट्‌टा नराम्‍मो नगरोस्, तर एकाले अक्‍काकन र स्‍हबैस्‍हात उकुरि भलो गन्‍न्‍या निदो गर।

यइबिअ एकाले अक्‍काकन हौसला देउ, र एकाले अक्‍काकन जोरिलो पाड्‌न्‍या काम गर, जैथो तुमिहरु पैलै गद्‌दै आयाछौ।

दाजुभाइहरु औ, हामि तुमिहरुकन बिन्‍ति गद्‌दाछौं कि अल्‍छो मान्‍याहरुकन चेताउनि देउ। ह्‍यास् खान्‍याहरुकन हौसला देउ। कुमजोरिहरुकन सयोग गर। ति स्‍हबैस्‍हात स्‍हयर बैनु।

क्‍यानकि परमेसोरले हामिकन दुन्‍ड दिन हैन, तर हाम्‍मा प्रभु इसु ख्रिस्‍टबाट मुक्‍ति पाउन पैलै छान्‍या हुन्।

क्‍यानकि तुमिहरु स्‍हबै उज्‍यालाका स्‍हुन्‍तान र दिउसका स्‍हुन्‍तान हौ। हामि उद्‍यारो र रातका स्‍हुन्‍तान हैनौं।