Popular Bible Verses from Deuteronomium 7

Share

A du dati fu un kan sabi taki MASRA, un Gado, na a enkri Gado. A Gado tapu san yu kan bow. A e hori Ensrefi na a ferbontu èn A e sori sari-ati dusundusun yari na den bakapikin fu den wan di lobi En, èn di e hori densrefi na den gebod fu En.

Bika unu na wan folku di MASRA, un Gado, poti aparti. Na unu MASRA, un Gado, teki na mindri fu ala folku na grontapu gi ensrefi.

Ma na fu di MASRA ben lobi unu èn fu di A ben wani hori Ensrefi na san A ben pramisi den Afo fu unu. Na fu dat'ede meki a ferlusu unu nanga En makti fu a katibo ini san un ben de. A puru un ini a makti fu Farao, a kownu fu Egipte.

A no fu di un bigi moro den tra folku meki MASRA lobi unu. Kwet'kweti, un na a moro pikin folku di de.

Gado sa blesi unu moro ala tra folku di de. No wan man, no wan uma noso wan meti sa de na un mindri di no sa abi pikin.