Popular Bible Verses from Deuteronomium 8

Share

Kwet'kweti. Un mus memre MASRA, un Gado. Bika na En gi un krakti fu wroko fu un ben kan kisi gudu. A du dati fu hori Ensrefi na a ferbontu, di A pramisi èn di A ben sweri gi den afo fu unu, leki fa A du te nanga a dei fu tide.

A meki un saka unsrefi gi En, A meki angri kiri unu dan A gi unu a manna, di un no ben sabi, fu nyan. Den afo fu unu srefi no ben sabi en. A du dati fu un ben kan kon sabi taki wan sma no sa libi fu nyanyan wawan, ma fu ala wortu di MASRA e taki

Un mus prakseri a pasi di MASRA, un Gado, tyari unu fotenti yari langa ini a sabana. A du dati fu un ben kan saka un srefi gi En, èn fu tesi unu fu luku san ben de ini un ati, efu un bo hori un na den gebod fu en.

Un no mus prakseri na ini un srefi taki na mi eigi anu èn nanga mi eigi krakti mi wroko fu kisi ala den gudu disi.

So un mus luku bun taki un no fergiti MASRA, un Gado, fu poti den sani di mi e leri unu tide na wan sei. Dati na den gebod, den sani na san un mus tan hori unsrefi, nanga den sani di un mus tan du.

Un taki dan taki na so a de, taki MASRA, un Gado, e kweki unu leki fa wan p'pa e kweki en manpikin.

Un o nyan te leki un bere furu èn un o prijse MASRA, un Gado, fu a bun kondre di A gi unu.

Fu dat'ede un mus hori den gebod fu MASRA, un Gado. Un mus lespeki En, èn libi leki fa En wani.

A gi un manna fu nyan ini a sabana, di den afo fu unu no ben sabi. A du dati fu un ben kan saka unsrefi, fu tesi unu luku san un bo du èn fu blesi unu na a kba.

Te un nyan furu un bere, te un bow un moi oso fu un tan na ini, te den meti fu unu kon furu, te un kon abi furu gowtu nanga solfru, te ala sani di un abi kon furu, dan un mus luku bun taki un no kisi bigi fasi, dan un fergiti MASRA, un Gado, di puru unu na ini Egipte pe un ben de srafu.

Bika MASRA, un Gado, e tyari un go ini wan bun kondre nanga furu liba, kriki nanga watrabron ini den dal nanga tapu den bergi. Wan kondre fu tarwe nanga groto, fu droifibon, figabon nanga granaki-apra. Wan kondre nanga oleif-oli nanga oni. A o de wan kondre pe un no o nyan drei brede. Noti no o mankeri unu. Wan kondre pe un kan puru isri ini den ston èn pe un kan puru kopro na ini den bergi.

Un mus hori unsrefi bun na ala den gebod di mi leri un tide, fu un libi langa, fu un kan kon furu èn fu un kan go ini a kondre èn teki en abra. A kondre di MASRA ben pramisi èn di A ben sweri gi den afo fu unu taki A bo gi en na unu.

Den krosi di un ben weri no ben lasi den kloru èn un futu no ben sweri ini den fotenti yari.

A meki un psa ini a bigi sabana di ben de fu frede. Wan drei kondre sondro watra di ben abi takru sneki nanga kruktu tere. A ben meki watra kmoto gi unu na ini a tranga bergiston.