Popular Bible Verses from Deuteronomium 6

Share

Un mus lobi MASRA, un Gado, nanga un heri ati, nanga un heri sili, èn nanga ala un krakti.

Stampu en na ini a ede fu den pikin fu unu. Un mus tan taki fu den te un de na oso, te un de na pasi, te un e go na bedi nanga te un kmoto na ini un bedi.

Un mus tan memre den sani di mi e taigi un tide fu du.

Israel, yere! MASRA na wi Gado. MASRA wawan!

Un mus tai den leki wan marki na un anu nanga leki wan banti na un fes'ede.

Skrifi den na den postu fu den doro fu un oso nanga den bigi doro fu den foto fu unu.

Un sa lespeki MASRA, un Gado. Na En wawan un sa dini. Na ini En nen wawan un mus sweri.

MASRA, un Gado, o tyari un go ini a kondre, di a ben pramisi èn A ben sweri gi Abraham, Isak nanga Yakob, den afo fu unu, taki A bo gi en na unu. Bigi èn bun foto, ma a no unsrefi ben bow den. Oso di furu nanga ala sortu gudu, ma a no un ben poti den na ini. Watrapeti di a no unsrefi diki. Droifidyari nanga oleifbon di a no unsrefi prani. Te un nyan un bere furu, un mus sorgu taki un no fergiti MASRA, di puru un na ini Egipte, pe un ben de srafu.

Disi na den gebod, den sani di un mus tan du nanga den sani na san un mus tan hori unsrefi. Na MASRA, un Gado, taigi mi taki mi mus leri un den, fu un tan du den ini a kondre pe un e hari go now fu teki abra. Un mus lespeki MASRA, un Gado. Un mus du dati fu hori unsrefi na den sani di un mus tan du nanga den besroiti di mi e leri unu. Unu, den pikin fu unu nanga den bakapikin fu unu. Un mus du dati solanga un e libi, dan un sa libi langa.

Un mus du san bun ini MASRA ai. Dan sani sa go bun nanga unu. Un o man go ini a bun kondre di A pramisi èn di A ben sweri gi den afo fu unu taki A o gi en na unu, en un o teki en abra.

Bika MASRA, un Gado, di de na un mindri, na wan dyarusu Gado. Efu un du dati un o meki taki MASRA, un Gado, En ati bron na un tapu dan A figi un puru na grontapu.

Un no mus go dini tra gado fu den folku lontu unu.

Un no mus du wan sani tu fu luku san MASRA, un Gado, o du, leki fa un ben du na Masa.