Popular Bible Verses from Deuteronomium 5

Share

Lespeki un m'ma nanga un p'pa, leki fa MASRA, un Gado, taigi unu fu du, fu un kan libi langa èn fu a kan go bun nanga unu na ini a kondre di MASRA, un Gado, o gi unu.

Un waka a heri pasi di MASRA, un Gado, taigi unu fu go. Dan un sa tan na libi èn sani sa go bun nanga unu. Un sa libi langa tu ini a kondre di un o teki abra.

No boigi gi den èn no dini den. Bika Mi, MASRA, un Gado, na wan dyarusu Gado. Mi e strafu den granpikin nanga den afopikin fu den ogri di den bigisma fu den du, di no ben lobi Mi. Ma Mi e sori sari-ati dusundusun yari na den bakapikin fu den wan di lobi Mi èn di e hori densrefi na den gebod fu Mi.

No meki no wan popki noso prentyi fu wan sani di de na heimel, di de na grontapu noso di de ini a watra ondro grontapu.

Un no mus dini no wan tra gado boiti Mi.

Un no mus kari a nen fu MASRA, un Gado, fu soso. Bika MASRA no o libi a sma dati fu soso tu.

Mi winsi taki ala ten den ben abi sowan ati fu lespeki Mi èn fu hori den na den gebod fu Mi. Dan fu têgo sani bo waka bun gi den nanga den bakapikin fu den.

Un sorgu taki un hori a sabatdei leki wan spesrutu dei, leki fa MASRA, un Gado, taigi unu fu du.

No abi bigi ai tapu wan trawan en frow. No abi bigi ai tapu wan trawan en oso, tapu en pranigron, tapu den man nanga den uma di e wroko gi en, tapu en kaw, en buriki noso iniwan sani san na fu wan trawan.”

No huru.

No lei gi wan trawan.

No kiri.

No fufuru tu.

Bika un mus memre taki un ben e wroko leki knekti na ini Egipte, ma taki MASRA, un Gado, puru unu fu drape nanga En krakti èn nanga en makti. Fu dat'ede MASRA, un Gado, taigi un taki un mus hori wan sabatdei.

Siksi dei de fu wroko, fu un du ala sani san un abi fu du. Ma a di fu seibi dei na a sabatdei fu MASRA, un Gado. A dei dati un no mus wroko. No unu, no den manpikin fu unu, no den umapikin fu unu, no den man nanga uma di e wroko gi unu, no den kaw fu unu, no den buriki fu unu, no den tra meti fu unu noso den doroseisma di e libi ini a kondre fu unu. So den man nanga den uma di e wroko gi unu kan rostu leki unu.

“Mi na MASRA, un Gado, di puru unu na ini Egipte, pe un ben de srafu.