Popular Bible Verses from Deuteronomium 4

Share

Dan un o suku MASRA, un Gado, drape èn un o feni en efu un e aksi fu En nanga un heri ati èn nanga un heri sili.

Bika MASRA, un Gado, na wan Gado di abi sari-ati. A no sa drai En baka gi unu, A no sa libi unu fu sani miti unu èn A no sa fergiti a ferbontu di A meki nanga den afo fu unu. A ben sweri dati.

Bika MASRA, un Gado, na leki wan faya di e bron ala sani. Na wan dyarusu Gado.

Ma un mus sorgu taki noiti un fergiti den sani di un si nanga un eigi ai. Un mus tan memre den solanga leki un e libi èn un mus ferteri den na den pikin nanga den bakapikin fu unu.

Dat' meki un mus sabi tide èn un no mus fergiti taki MASRA wawan na Gado ini heimel nanga dyaso na grontapu. Boiti En no wan trawan no de.

Bika no wan folku, awinsi fa a bigi, abi gado di e yepi den so esi, leki fa MASRA, wi Gado, e yepi unu ala leisi te wi kari En.

Te a ten doro taki un de ini nowtu fu di ala den sani disi miti unu, dan un o drai baka arki MASRA, un Gado.

Un no sa poti noti moro na den sani di mi taigi unu fu du, èn un no sa puru noti fu den tu. Un hori unu na den gebod fu MASRA, un Gado, di mi gi unu.