Popular Bible Verses from Bhaloma 5

Share

Nambo Annoongo atekulangia upalyo gwabhe kwaachitu kubhee, patukibha na mabohu, Akilisito akawee ligongo litu.

kulupalila konokwe ngatuhengela ntima, ligongo Annoongo atekutupekea mu mitima jitu upalyo gwabhe kupetela Mboomo ja Annoongo.

Ngabha henela tu, ila tutenda kuhangalala kabhele mu kulaga, ligongo tuhimanyi kubhee kulaga kuleta kwanga kujogopa, kwanga kujogopa kututenda tubhee na machili ga kuhobhalela na machili ga kuhobhalela galeta kuhobhalela

Nangocheni, kwa kubhee tutekondekwa nnoongi ja Annoongo kwa kuhobhalela, mmangange na kuhengwa na Annoongo kwa ndela ja Hangwana bhitu Ayesu Kilisito. Kwa kwahobhalela Ayesu, Annoongo atupekie umbone gwabhe. Nangocheni tutendakutama mu umbone gwabhe. Tutendakuhangalala muno kwa kubhee tutendakulupalila kubhee tupakubhee pamo na Annoongo mu ukolo gwabhe.

Patukalepela kuchihokoa akaachinabhene, nambo machobha pagakahika, Akilisito akawee ligongo litu twenga tutubhii na mabohu.

Nangocheni tutekondekwa nnoongi ja Annoongo kwa ndela ja mayahi ja Akilisito, jilangia pandaa kweli kubhee apakutuokoa mu lilaka lya Annoongo.

Kuleka kujeketela kwa mundu jumo bhandu bhajingi bhakabhonekena kubhee bhakolite mabohu, hela hela kujeketela kwa mundu jumo kupakwaatenda bhajingi bhakondekwange nnoongi ja Annoongo.

Pamo na genago, tutenda kuhangalala kwa Annoongo kupetela Hangwana bhitu Ayesu Kilisito yakubhee atutendite tukamulane mabhoko na Annoongo.