Popular Bible Verses from 1 Bhakolinto 2

Share

Nambo, handa chigalobhola Majaandiko ga Annoongo, “Hilebhe yakubhee mundu jwangagabhona, wala mundu jwangagajoanikia, hata mundu jwangakombola kugaganikila muntima gwabhe, gangani nga Annoongo gaatekwapanganikianga bhabhampala.”

Mundu jwangaahobhalela Annoongo ngapokela hikubho ya Mboomo jwa Annoongo. Kwabhe mundu jonojwe nga changalimmbone, na jonojwe ngakoombola kugaelewa, ligongo genago gaeleweka tu kwa kujangatilwa na Mboomo.

Nambo hikubho yenjeni Annoongo atekutuhunukulila kwa ndela ja Mboomo jwabhe. Mboomo kulolekea kila chilebhe, hata hikubho ya nkati muno ya Annoongo.

Nangocheni twenga twangapokela mboomo ja pachilambo, ila tupokilinge Mboomo jwaabhoka kwa Annoongo ili atujangatile kugamanya genigala gatupatite kubhoka kwa Annoongo.

Gandendita kulongela na kujigana nangabhoa malobhe ga kwaabhajila bhandu na ga malango, na ndendakulongela gangani kulangia ndendakulongolelwa na machili ga Mboomo ja Annoongo. Nakapangana henela ligongo lya kuhobhalela kwitu kukombole kulupalila machili ga Annoongo na ngabha malango ga bhandu.