Popular Bible Verses from Hibriyu 9

Share

Aw si Kristu uman, minsan da ya kanan pagdugsuꞌ na yan ya kanan pagkamatay adti krus pada malanas ya manga salaꞌ na kadég na manga utaw. Aw sa paglikuꞌ nan salut asini tas na lupaꞌ, diliꞌ da magdugsuꞌ na un maglanas sa manga salaꞌ, manang dayaw nan lingeben ya pagpaluwaꞌ sa kadég na tyumagad kanan.

Manang to-o pa dun dakulaꞌ ya mabatug na duguꞌ ni Kristu. Kay magi sa Ispiritu Santo na walaꞌ ya tyamanan, pigtumbay ni Kristu ya kanan pagka-utawun na walaꞌ ya se-ey adti Tyumanem pada ma-imoꞌ dugsuꞌ kalyu sa salaꞌ na manga utaw. Aw asuntu sa pig-imoꞌ nan yeiy, kalinisan da ya kanaten anenganeng lekat adti manga imo-unun na malatay, aw mabatug da tadun ya pag-imoꞌ sa imo-unun na Tyumanem na Gayed Awun.

Na, minsan da oloꞌ ya pagkamatay na utaw, aw pagkatigkas yan, ukuman da sakanan na Tyumanem.

Dun ni Uldin na manga Judiyu, magi sa duguꞌ, mabus galu kalinisan ya kadég. Aw kun walaꞌ ya pagpa-ilig sa duguꞌ lekat adti pigdugsuꞌ, diliꞌ malanas ya manga salaꞌ na manga utaw.

Yanagaw yeiy ya du-an na si Kristu ya migpatengaꞌ kanaten adti Tyumanem dun ni bagu na pakang. Magi sa pagkamatay nan adti krus, piglekat nan ya manga utaw na lyumakad sa manga suguꞌ dun ni Uldin adti muna pakang. Aw ya kadég na pigtawag na Tyumanem, makadawat da sa pigpakang nan na walaꞌ ya tyamanan.