Popular Bible Verses from Hibriyu 10

Share

Aw diliꞌ tadun pagpatenengen ya pagkatipun na kanaten kyanalaman, kasiling na pig-imoꞌ na eped na manga mangintu-uway. Manang magpakabagsegay kitadun baling sa ginawa, labi la na kya-ede-an tadun na malapit da ya allaw na paglikuꞌ ni Jisus.

Aw gayed kitadun magpakabagsegay sa ginawa pada magpadeleg ya paggaginawa͡ay tadun aw ya pag-imoꞌ sa manga imo-unun na madyaw.

Diliꞌ naten botonan ya pag-iman sa kanaten pigpangintu-uwan aw diliꞌ kitadun magduwaduwa, kay ya migpakang kanaten kasaligan saba sakanan.

Ka-ilangan padelegen mayu ya pag-imoꞌ sa pagkaliman na Tyumanem pangkay unu ya pagti-is na un dumateng. Aw madawat mayu ya kadég na pigpakang nan.

yanagaw diliꞌ kitadun mabekenbeken magpalapit adti Tyumanem, asuntu sa tengteng na pagpangintu-u tadun kanan. Kay kya-ede-an da tadun na magi sa duguꞌ ni Kristu, kyalinisan da ya kanaten anenganeng aw kya-ugasan da kitadun sa tubig na to-o matinaw.

Yanagaw diliꞌ mayu pagbotonan ya kamayu pagpangintu-u sa Tyumanem, kay dakulaꞌ saba ya un mayu madawat kagaya.

Kay kun pigdawat da tadun ya tengteng matinaw na palna-u manang kenneꞌ tadun magpadeleg magpakasalaꞌ, na, walaꞌ da ya eped na pagdugsuꞌ na kasiling na pig-imoꞌ ni Jisus pada lanasen ya manga salaꞌ. Yan dakman ya tyagadan na utaw na gayed migpakasalaꞌ ya to-o kallekanan na pag-agbel na Tyumanem sa manga po-on nan adti atulun na miglagablab dun ni allaw na pag-ukum.