Popular Bible Verses from Hibriyu 13

Share

Aw diliꞌ mayu pagginawa͡an ya kuwalta. Umbaꞌ da saba kun unu ya nyatagtun mayu. Kay pigpasulat na Tyumanem asini muna, “Diliꞌ ta kamu pabaya-an, aw diliꞌ ta kamu uman ayawan.”

Si Jisu-Kristu walaꞌ ya pagka-uman, lekat pa asini muna taman adun, aw pangkay adti manga allaw na dumadateng pa na walaꞌ ya tyamanan.

Yanagaw diliꞌ kitadun magduwaduwa maglong: “Ya Tyumanem yan ya magtabang kanaken, yanagaw walaꞌ ya un ku kallekan. Unu kaꞌ ya mabatug na utaw imo-un kanaken?”

Diliꞌ mayu uman pagkalingawan ya pag-imoꞌ sa madyaw, aw pagtatabangay kamu. Kay yeiy alag ya palangad dugsuꞌ na makatutuk sa Tyumanem.

Yanagaw magi kan Jisus, naten padelegen ya pagdeyen sa Tyumanem, kay yan ya kanaten pagdugsuꞌ. Aw dun ni paglong tadun, gayed naten pa-edeꞌ ya kanan ngalan adti kadég na utaw.

Ya kadég mayu magbabasa͡ay sa kapangugnanay mayu. Aw diliꞌ kamu maglakadenen. Kay ya manga maglakadenen aw manga magkasala-enen, pa-emel-emelen saba na Tyumanem.

Diliꞌ mayu pagkalingawan ya pagpamasa sa manga utaw na maka-ibwang dun ni kamayu. Kay awun utaw na nyamasa sa manga nyaka-ibwang kanilan aw walaꞌ nilan ka-ede-i na ya nyibwang kanilan manga anghil kadiꞌ na Tyumanem.

Pigpanawagtawagan ta kamu adti Tyumanem na lyekatan sa kalinaw na yan ya migmataw sa kanaten Matas na Pangulu na si Jisus. Si Jisus ya magdadiyaga͡ay kanaten na palangad karniro nan. Aw asuntu sa duguꞌ ni Jisus, pigpa-iganget nan ya bagu na pakang na walaꞌ ya tyamanan. Tagilanen galu na Tyumanem ya kamayu anenganeng pada ma-imoꞌ mayu ya pagkaliman nan. Aw tabangan kamu ni Jisus sa pag-imoꞌ sa makatutuk sa Tyumanem. Yanagaw umbaꞌ atag adti kan Jisu-Kristu ya dengeg aw pagdeyen na walaꞌ ya tyamanan. Amén.