Popular Bible Verses from 1 Corinto 3

Share

Unu, walaꞌ mayu ka-ede-i na témplo kamu na Tyumanem aw ya kanan Ispiritu nyeyaꞌ dun ni seled mayu?

Kay sambuk da oloꞌ ya tullukanan na pigtagilan da, aw yeiy saba si Jisu-Kristu, aw walaꞌ da ya eped.

Yanagaw diliꞌ tadun pagbetang sa ginawa ya migtanem aw ya migtubig, manang yan baling ya pagbetang tadun sa ginawa ya Tyumanem na yan ya migpatulin.

Kay kami na manga magpalna-uway, alag kami magtalabahuway dun ni imo-unun na Tyumanem. Aw kasiling kamu na pawaꞌ na pigpatalabahu nan kanami. Kasiling kamu uman na balay na pigpa-indeg na Tyumanem.

Aw dun ni allaw na pag-ukum, tanda-en magi sa atulun ya pig-imoꞌ na tagsambuksambuk na utaw.

Kasiling uman na maynan, ya utaw na migpa-edeꞌ sa Madyaw na Ubat-ubat aw ya utaw na migpalna-u sa kakawasan, sambuk da ya tud nilan. Aw ya tagsambuksambuk kanilan awun madawat nilan adti Tyumanem umbaꞌ sa pigpan-imoꞌ nilan.

Diliꞌ mayu paggawayan ya kamayu pagka-utawun magi sa pagsalig mayu sa kamayu katadeng. Kun awun utaw dun ni kamayu na miglong na dakulaꞌ ya katadeng nan asini tas na lupaꞌ, ayawan da nan galu ya katadeng na maynan pada magkatadeng sakanan sa kana Tyumanem.