Popular Bible Verses from 1 Corinto 2

Share

Kasiling na pigpasulat na Tyumanem asini muna: “Ya diliꞌ ka͡apetan na mata aw diliꞌ dengegen na talinga aw ya walaꞌ pakabetang adti anenganeng na utaw, yan ya pigtagilan na Tyumanem sa kadég na gyuminawa kanan.”

Manang pangkay singalan ya walaꞌ ya Ispiritu Santo dun ni kanan, diliꞌ sakanan makadawat sa pigpa-edeꞌ na Ispiritu, kay adti anenganeng nan walaꞌ ya un ma-untung dun. Aw diliꞌ nan kalabetan ya kakawasan kay magi saba oloꞌ sa Ispiritu Santo kalabetan nan.

Aw alag yeiy pigpa-edeꞌ na Tyumanem adti kanaten magi sa Ispiritu Santo. Kay ya Ispiritu, yan ya nya-edeꞌ sa kadég, dala ya pigtaguꞌ na Tyumanem asini muna.

Aw walaꞌ tadun dawata ya palna-u na manga utaw na walaꞌ pangintu-u sa Tyumanem, manang yan baling ya pigdawat tadun ya Ispiritu Santo, pada ka-ede-an tadun ya kadég na pig-atag da na Tyumanem kanaten na walaꞌ ya bayad.

Aw adti pagpalna-u ku kamayu, walaꞌ aku pag-imo-imoꞌ sa manga tingeg pada madala ta kamu. Manang ya kadég na piglong ku kamayu, alag saba pigmatinaw na katulus na Ispiritu Santo, pada mangintu-u kamu asuntu sa katulus na Tyumanem aw bekeꞌ na katadeng na manga utaw.