Popular Bible Verses from Ezayi 55

Share

Uhoraho aravuga ati: “Ibitekerezo byanjye si nk'ibyanyu, imigenzereze yanjye itandukanye n'iyanyu.

Ijuru riri hejuru kure y'isi, imigenzereze yanjye isumbye iyanyu, ibitekerezo byanjye bisumbye ibyanyu.

Nimugarukire Uhoraho mu gihe akiboneka, nimumwitabaze mu gihe akiri bugufi.

Umugome nareke imigenzereze y'ubugome, inkozi y'ibibi nireke ibitekerezo byayo bibi. Nibagarukire Uhoraho azabagirira impuhwe, nibagarukire Imana yacu izabaha imbabazi zisesuye.

Abafite inyota mwese nimuze mbahe amazi, abadafite amafaranga namwe nimuze. Nimuze murye kandi munywe nta kiguzi, nimuze munywe divayi n'amata.

Imvura n'urubura biva ku ijuru, ntibisubirayo ahubwo bisomya ubutaka, bimeza imyaka igakura, umuhinzi akabona imbuto n'ibyokurya. Uko ni ko Ijambo ryanjye ritazagaruka ubusa, ntirizagaruka ritagize icyo rikora. Rizasohoza umugambi wanjye, rizagera ku ntego yanjye.”

Muzava i Babiloni munezerewe, mutahuke amahoro, imisozi n'udusozi bizarangurura amajwi y'ibyishimo, ibiti byo mu gasozi bizabakomera amashyi.

Bantu banjye, nimunyumve munsange, nimunyumve muzabaho. Nzagirana namwe Isezerano rihoraho, nzabaha ibyiza nasezeraniye Dawidi.