Popular Bible Verses from Ezayi 54

Share

Intwaro zose zakorewe kukurwanya nta cyo zizagutwara, uzakurega mu rukiko wese uzamutsinda. Nguwo umugabane w'abagaragu b'Uhoraho, ubu ni bwo burenganzira mbahaye.”

Imisozi ishobora kuvaho, udusozi dushobora kuvanwaho, nyamara urukundo rwanjye ntiruzashira, Isezerano ryanjye ry'amahoro ntirizakurwaho. Uko ni ko Uhoraho ukugirira impuhwe avuze.”

Humura ntuzongera gukorwa n'isoni, wicika intege kuko utazongera gusuzugurwa. Uzibagirwa ikimwaro cyo mu bukumi bwawe, ntuzongera kwibuka umugayo wo mu bupfakazi bwawe.

Uwakuremye azaba nk'aho ari umugabo wawe, izina rye ni Uhoraho Nyiringabo. Umuziranenge wa Isiraheli ni we Mucunguzi wawe, ni we Mana igenga isi yose.

Ngaho agūra ihema utuyemo, ryagūre ribe rigari, wikwita ku byo uzaritangaho, rega imigozi y'ihema ryawe, shimangira imambo zaryo.

Abana bawe bose bazaba abigishwa b'Uhoraho, bazagira amahoro asesuye.

Narakurakariye nkwima amaso igihe gito, nyamara ku bw'urukundo rudashira nzakubabarira. Uko ni ko Uhoraho Umucunguzi wawe avuze.

Nabaye nkuretse mu gihe gito, nyamara nkugiriye imbabazi ngiye kukugarura.

Nzabigenza nk'uko nakoze mu gihe cya Nowa, narahiye ko ntazongera kurimbuza isi umwuzure, none ndahiye ko ntazongera kukurakarira no kugutonganya.

Hejuru y'inkuta zawe nzahataka amabuye arimbishijwe, hejuru y'imiryango yawe nzahataka amabuye abengerana, inkuta zawe nzazizengurutsa amabuye y'agaciro.