Popular Bible Verses from Hiburuapụ 5

Share

Tụ́ma mbgọlụ fị́nyẹ fịnị sẹ́nịapụ pịrịm, nnị sámámgba anị fịarị sa, nnị ine ibinyẹ na siinyẹ na nimim.

Mị́sa ma ḅụ ọ nyẹ́dieapụ sọ naibim, kụ́ma ọ pa dọghụarị n pa parị parị Tamuno ẹ́gẹ́rẹ́ ma dawọ nyẹ́ pa o die, ọ kụ́rọ fị́nyẹ fị na ibi sa, ọfịgha, kụ́ma ndomingi anị obiarị nyẹ. Ndomingi ḅụarị ḅo gonyẹ́ gonyẹ́ nḅọ pa kálátụwọ, nḅọ akanyaḅo nyanagha Tamuno karakárá ibiamịẹnyẹ gboloma dáwọnyẹ ḅụ.

Ori Tamuno Tụwọ n ḅẹ́sọ ọ tọ́rụ́siarị ḅụ ḅọ́rọ́ bịpị osiḅara nimim. Nnị o mịẹ kpainma sa, ọ warị anị ḅụ ḅọ́rọ́ gbámásó dụaḅọ́rọ́ma pa ọ dughonyẹ mịẹapụ gonyẹ́ gonyẹ́ pịrị.

Jizọs mị tuminikiri fịnị sáá ọ kụ́rọ owu pụghọ pa ọrẹ tẹ́ghẹ̄ na obiarị nyẹ bim, ine o dụapághámaḅo bẹḅọ fịị ḅarabie, ori ọḅụ siteremam gosi Tamuno sughubie Tamuno o naam.