Popular Bible Verses from Hiburuapụ 4

Share

Tamuno ẹ́gẹ́rẹ́ ma anị dumam pighi i bịrịm anị oḅú mmẹẹ́ tọ́rụ́ nyáná áláápụ́-ágidi nẹngịm, anị nyẹ gonyẹ́ gonyẹ́ pẹ́lẹ́ mú tumḅọ tẹ́mẹ́ na biebẹ duma dona angaá lam, pịghị mú mgbe na mgbe mẹnị dona ngaa láa. Anị ḅẹ́rẹ́kọ tumḅọ tẹ́mẹ́ kórómaarị nyẹ na tumḅọ tẹ́mẹ́ tarịarịnyẹ mamgba pịrịpịrịm.

Wa tẹ́mẹ́kụ́rọ nyáná sị sọma Tamuno imine ma fịnị angaá ḅo, tọ́rụ́kụrụkụ́rụ́ fịnị angaá. Anị angaá wa lolomakúkúbie nyánáḅobẹm pịghị tọ́rụ́kụrụkụ́rụ́ dọghụḅọ pa ḅárásua wa pịrị wamịnị anị dọghụ sa.

Wamịnị igwagwaá áláḅọ nyanagha wa ḅụ fịnị ḅara ḅụ kóróghaḅọ, kụ́ma wa gbẹ́rẹ́ḅọ nyánam daádighi bie ḅọ́rọ́máaḅọ ngaa mamgba ḅụ, wamịnị sọ fịnị ḅara, kụ́ma ọ bịghịị sii pịrịgha.

Nnị pa Tamuno ḅọghuma ḅẹnyẹ ofori nyẹ gonyẹ́ gonyẹ́ tuminikiri, anị findi gbẹ́ẹ́rẹ́m ọ tórúku. Ori ma anị ọ́rụ́ḅọ ọ́rụ́ḅọ pịghị amịna duma kịẹnyẹ go pịrịbẹḅọ.

Wamịnị dụḅa Igwagwaá Áláḅọ nyánam, sobie sọọmaaḅọ ori anịị Jizọs Tamuno Tụ́wọ ma. Anị wa go wa dugho págháma minini ma ọlọ sẹ́ma bẹnyẹ.

Anịgo wamịnị wa ine ḅara mamgba mịẹsị árị ḅẹẹ wamịnị anị ịnyọ́sárá ma nyánam sị gbẹ́rẹ́ḅọ so bịghịbịgha ḅara isiapụ bịghị ḅara nnị minini nyanagha gosi.