Popular Bible Verses from Ẹ́fịsọsapụ 6

Share

Tegó wámịna ọ́mụ́gbi ma, wa tuminikiriapụ na anị gbighaa, kụ́ma, sobie ju fịnịị sitẹ́mẹ́, táarịapụ, kụrọnyanáapụ na pịghị kánákáná tuminikiri ma bie fịnị opu kụrọ nyáná sitẹ́mẹ́.

Tẹ́mẹ́ ḅụ tẹ́ghẹ̄ kọọ sámámgba tọ́rụ́kịrịkị́rị́ tẹ́ghẹ̄ na nyẹ́bi tẹ́ghẹ̄ kọọ. Mịma dighi tẹ́mẹ́bie, sámámgba tẹ́lẹ́ma fịnị tẹ́ghẹ̄ tọ́ntọ́apụ mamgba pịrị.

Tamuno pa ọ pịrị ọ́mụ́gbinyẹ mamgba sua kárámá ọmịnị ine sẹ kụ́rọ bẹ ḅara ẹ́kpẹ́dua ori epele ma ti bẹ sáá.

Anịgosi Tamuno ọ́mụ́gbinyẹ mamgba sua mị́sa! Anịsáa, sii éné ma ḅo sáá ọmịnị ine iruonaḅọ ma ọ́mụ́ dasemabẹm ọ pịghị ọ́mụ́ ma gbifama sáá ọmịnị ine kụrọsẹbẹm.

Sámámgba minini pa ágbọ mịẹ, anị ḅara ma ọmịnị ine ẹ́kpẹ́dua ma tẹ́ ẹbẹlẹ kọrịfịnị ma bimabẹm. Dụaḅọ́rọ́ma daakị sịbị ḅụ sua ọ́mụ́gbi suu ḅara. Pịghịị Tamuno ẹ́gẹ́rẹ́ ma akị ḅẹ́ mịị Tẹ́mẹ́ ma pa i pịrị áláápụ́-ágidi.

Anịgosi ọ tẹ́lẹ́ma fịnịị, karakárá ẹ́gẹ́rẹ́ pa ọmịna kundu kpọọ dii mịẹ, karakárá ibiamịẹnyẹ pa ọmịna kúkúbie gbẹ́ẹ̄ ẹ́fẹ́rẹ́ mịẹ, ọmịna sua agbaa ḅara ọ tẹ́lẹ́ma sị diin akuoarị ibi oku ma dugho wásáma bẹ ḅara.

Kunema ḅụ, ọ kụrọ sẹ Kị́nị́nyánáḅọ ḅụ, na pịghị ọ ḅụ fịnị opu ịnyọ ḅụ.

<<Kuu pa ọmịna daa na ọmịna nyingi pịrị,>> anịị parị ologho ma pịghị gbẹ́nyẹ nyánányẹ: <<Nyẹ gonyẹ́ gonyẹ́ ibi ọ pịrịbẹ ḅara ọ pịghị nangwọ duma nyáná bẹ ḅara tuminikiri.>>

Awọamaapụ anị ọmịna kiri, mininiapụ ḅara ḅẹ́ ọmịnị ọmịna nyingiapụ na daapụ bịpị pughu, tegó mịma anịị karakárá sị ọ miẹnaibi nyẹ.