Popular Bible Verses from Ẹ́fịsọsapụ 5

Share

Ọmịnị kọkọ Tamuno kpọma ḅẹlẹma awọ anịgo ọmịnị ọ daa nyẹ mịẹ. Ḅẹlẹma pịghị ọmịna duma bie ḅẹrẹtọ, Krais sọ wa ḅẹlẹma ḅara sị ọ ḅụ pa ibima kụ́nụ́ agbaa mịẹ na igwagwaá Tamuno pịrị.

Anịgosi ọ ḅụẹbị ọkọarị duma ḅara, oḅoriapụ ḅáraghaa kụ́ma nyẹ nimiapụ ḅara. Yẹ́ asọ nyáná sa gonyẹ́ gonyẹ́ pa ibifịrị nwángị tegó sáá ma sii sáá.

Ọmịnị iru ḅuu tọ́rụ́ḅáma tegó anị ọmịna duma famabẹm, kụ́ma Tẹ́mẹ́ ma ọ ḅụ sọ bifụfụụ́. O tọ́ntọ́ núme na núme na, na pịghị tẹ́mẹ́ dighi saghị núme pa ẹ́gẹ́rẹ kọọ jụghọ jụghọ pịrị, ọ tẹ́mẹ́bie núme suu si Kị́nị́nyánáḅọ ma boma. Sámámgba ịmịẹḅam pa Tamuno Daḅọ ma ḅẹẹ nyẹ gonyẹ́ gonyẹ́ ḅụ Wányánáḅọ Jizọs Krais ma ẹrẹ ḅụ.

Anịgo oḅoriapụ sọ ma, kụ́ma dọghụ pághámaḅo Kị́nị́nyánáḅọ i ḅara binyẹ sị i mịẹ.

Deeapụ ọmịnị ọmịna taapụ ḅẹlẹma, Krais Tamuno kubiri ogbo ma ḅẹlẹma ḅara sị fịị anị pịrị.

Gbẹ́rẹ́sa biri ọ kánákáná ma bie imi, kụ́ma mị́sa ọ Kị́nị́nyánáḅọ awọ sọ maá sáá, ọ baá ma bie imi, anịgo o duma kọọ baá ma awọ ḅara.

Ọmịnị ọmịna ḅụ siterema jụghọ jụghọ pịrị ọ nyáná Krais pịrị osigha gosi.

Taapụ, ọmịnị ọmịna ḅụ siterema ọmịna deeapụ pịrị, ọmịnị ọmịna ḅụ siterema Kị́nị́nyánáḅọ pịrịbẹ ḅara.

Kụ́ma anị pịghị o gbolomam: deeḅọ gonyẹ́ gonyẹ́ amịna táaḅọ ḅẹ́lẹ́mabẹm ori ọ ḅụ ḅẹlẹma ḅara, táaḅọ gonyẹ́ gonyẹ́ pịghị osigha pa amịna deeḅọ pịrịbẹm.

Tọ́ntọ́ diri ma dugho ḅara ḅẹẹ, <<Mịma gosi anịị owitụ́wọ amịna daa na amịna nyingiḅọ wáriso si mú amịna táaḅọ na gbẹ́rẹ́nyẹ mịẹ anị sáá nnị mmẹapụ ma ḅo gbẹ́rẹ́ḅọ sọ́bẹm>>.

Túminị́ nwángịarị sọnyẹ ḅụ ófórigha fịrị ma na mịẹnyẹ nyáná ma, anịị kánákánábie fịnịnyẹ ma. Anịmanakaragha nnị pághámá ḅo éné ogbo.