Popular Bible Verses from Ẹ́fịsọsapụ 4

Share

Anịmanakaragha ọmịnị ibitẹ́mẹ́ na lolomakúkúbie nyáná jụghọ jụghọ pịrị, o sii wáriso jụghọ jụghọ pịrị, Tamuno Krais ḅụ ḅọ́rọ́ sii wáriso ọ pịrị ḅara.

Sámámgba ḅụ sitéréma, ḅụ diin tẹ́mẹ́ nyáná, inema nyáná, ọmịnị inema nyáná jụghọ jụghọ pịrị ḅẹlẹma ḅụ.

Nyẹ pa kịnịlama bẹ ẹ́gẹ́rẹ́, kọọma, kụ́ma ḅárásua bẹ ẹ́gẹ́rẹ, túminị́ mịẹsị n sẹnịbẹ nyẹ, si túminị́ bii nyẹ pa nnị pịrịarịnyẹ, si ị́yẹ́ dughonyẹ ibinyẹ pa anị naapụ mịẹbẹ ḅara.

Tẹ́mẹ́ ákụ mamgba na, owi tẹ́mẹ́ na igani gonyẹ́ gonyẹ́ ḅụ ọmịnị ọmịna ḅụ fófóoma anị ḅụ, ọmịnị ilúghú wirinumo wirima, ọ pịghị jụghọ jụghọ tarịgha duma gonyẹ́ gonyẹ́ wáriso.

Ḅọ́rọ́ ḅẹ́ ị́ igani igani, minima sị igani ma i suma siinyẹ bie suu, pịghị minima anị i nana fịnị énédima. Asọ pa ẹ́kpẹ́dua ma pịrịma.

Anịgosi ọmịnị ọmịna olom ḅụ ma wáriso, mịẹsị ọ duma kọọarị ḅara pa duma kọọ nyẹ. Mịị olom ḅụ ma guluguluma nyẹ, anịị anị oḅori pa kị́nị́ sị pụghọ tarị nyẹ ma. Nnị ọmịna tẹ́mẹ́bie na ọmịna kóróma mịẹbẹm sị ọ gbẹ́rẹ́sa ịwọ nyẹ so, ọmịnị ịwọ ḅụ ma suabẹm n Tamuno kịkama sị tẹ́mẹ́nyẹ, anị ḅụ diearịnyẹ karakárá duma ḅụ ibiamịẹnyẹ ḅụ na pịghị tọ́ntọ́ ḅụ.

Arịị ḅẹ́ Tẹ́mẹ́ ma pịrịarị ḅụ pa gbẹ́rẹ́nyẹ mịẹma ọmịnị anị kokowarịm ọmịnị ọlọ gboloma ma diin ḅụ.

Ori anị <<dienyẹ pa die túminị́ pịrịnyẹẹ,>> jẹ́apụ ori nnị tọọm ḅẹ́ nnị nfịrịmaapụ sọ; jẹ́apụ ikiakoroapụ, jẹ́apụ ibi oku ma dugho wásámáarịapụ jẹ́apụ Tamuno kubiri ogbo sịbịdaapụ na pịghị nyẹ́dieapụ. O mịma mịẹm pa Tamuno túminị́ tẹ́lẹ́ma warị pa Krais asọ duarịapụ ma fịrị pịrị, sị nnị ibima Krais oju ma, anịị Tamuno kubiri ogbo ma nama tẹ́lẹ́ma bẹ ḅara, sị wamịnị mamgba ḅo bịpị pa ogbo sua gbẹ́rẹ́ minini ḅụ, pịghị bịpị pa ogbo sua Tamuno Tụwọ ma nimi ḅụ, wamịnị sẹ́nịmaapụ ḅara pa nyẹ mịẹbẹm, sẹnị sị mú Krais láa ḅara la.

Wamịnị awọamaapụ ḅara pa nyẹ mịẹbịgha, oḅori pa kị́nị́ sịarịapụ dienyẹ ma duaarịapụ, dinọngụ nyẹ dighi ḅara pa dighiarị nyẹ na fọ́rụ nyẹ dighi ikelekelearị ḅara, pa dighi ikelekelearị nyẹ. Mịná túminị́ ma jẹ́apụ túlúma irima nyẹ bie suam n tẹ́mẹ́bie págháḅo aka na egberi na ḅụ. Anịmanakaragha wa tụ́manyẹ ma dugho ḅẹlẹma ḅụ, wamịnị ine sẹ́nị sị mú Krais ḅụ káara, ori ma anịị sịbịdaḅọ ma.