Popular Bible Verses from Filipaiapụ 4

Share

Ḅụḅáláḅálá pa ịḅụ pịrịma ḅẹnyẹ ḅẹnyẹ ḅụ kụ́ma ị́yẹ́ tẹ́ghẹ̄ ḅụ, Tamuno ḅara ị dọghụnyẹ bi, ịmịẹḅam tẹ́mẹ́ pa ọ ḅara i bi dọghụnyẹ bii.

Anịsáa Tamuno ma diin, opuma tumḅọ akanyaḅo nẹ́ngị nyẹ warị Krais Jizọs ḅụ ị́yẹ́ tẹ́mẹ́bie na ikúkúbie koko warịbẹm.

Kunemaá, ịyẹa nángwọ́apụ ọ mịnanyẹ ma pa ọmịna tẹ́mẹ́bie sua bima, ibi nyẹ gonyẹ́ gonyẹ́ sị túminị́ túminíarị nyẹ, tụ́manyẹ gonyẹ́ gonyẹ́, osigha nyánányẹ gonyẹ́ gonyẹ́, karakárányẹ gonyẹ́ gonyẹ́, fíafía nyẹ gonyẹ́ gonyẹ́, ḅẹlẹma na ibinyẹ na pighi kuu na ibi nyẹ.

A ine nyẹ gonyẹ́ gonyẹ́ mịẹbẹm Krais ḅụ ḅọ́rọ́, ori ịnyọ pa i pịrịarịḅọ.

Sámámgba bieḅẹlẹ ḅẹ i Kị́nị́nyánáḅọ bie imi gosi. A sima anị dughom dụrụkụụ!

I Tamuno Krais Jizọs ḅụ ḅọ́rọ́, ori mánámāná ngọ ma ḅụ ọ pali nyẹ gonyẹ́ gonyẹ́ pa ọ pịrịbẹm.

Pa fịrị ḅụ suu ọmịnị i ḅara dawọ pịghị nyánáḅonyẹ ị́yẹ́ ẹ́gẹ́rẹ́ ḅụ na pịghị ị́yẹ́ mịẹnyẹ ḅụ. Anịsáa, diin pa wa pịrịarịḅọ ma ọ́ nana fịnịbẹm.

Diin ḅara pa kị́nị́mamgba na ngaa Kị́nị́nyánáḅọ ma ḅọlọgha sáá ḅụ ḅoarị.

A nimimam anị fịnị ḅara nyẹ tumḅọ pálịma sáá, na pịghị nyẹ bifụfụ sáá. A mịị ḅọghunyẹ ma dawọḅomam, tumḅọ nyánányẹ n ḅo tọ́rụ́ bi bẹ ḅara sámámgba pịghị ngaa mamgba ḅụ, a fị́fúrobima ọ, a fúro mpara fị o, a ḅọ́rọ́ nyẹ nyáná bima anịgha a ḅẹnyẹ ḅẹnyẹ nyánágha.

A go mịma dughoarị nyẹ ḅẹgha ḅẹ́ nyẹ i palịmam tegó a dawọḅomam a nyánányẹ itọrụ bi bẹ ḅara.