Popular Bible Verses from Mak 7

Share

Rhunmwuda, uwu ọmwa ọre iro dan ne ọ ya ẹe ru emwi dan hia ke ladian, alama, oyi, izigha. Oghẹ, arovbẹmwẹ, uyinmwẹ ẹrhia hia, erẹrẹ, ohoghe, igbọvo, ọtakhọ, itengbemu kevbe ukọnmwẹ. Uwu ọmwa ọre emwi na hia ke ladian, iran ghi ya ọmwa khian ne ọ ma huan.”

Emwikemwi ne ọ ghi ke ore egbe la uwu egbe nẹ, ne ọ sẹtin ya ọmwa khian ne ọ ma huan ẹ i rrọọ, sokpan emwi ni ke uwu ọmwa ladian ọre ọ ya ẹe khian ne ọ ma huan. [

Jesu zẹ wanniẹn iran wẹẹ, “Ẹmwata ọre Aizaia wa ta vbe ẹmwẹ ne ọ guan vbe ekpa uwa. Emwa ẹkẹ vbe iwẹnwẹn wa khin zẹẹ vbene ọ gbẹn ọẹn. “ ‘Osanobua khare wẹẹ, Ukpunu avbe emwa na ya ye ọghọ mẹ, sokpan ekhọe iran khian rrei mẹ.

Ọga ne iran ga mwẹ i mwẹ esa, ugbẹn vbe a miẹn wẹ iran ma emwa Uhi emwa kẹkan, vbene a gha kha wẹ uhi Osanobua nọ!’ ”

Jesu keghi khama iran wẹẹ, “Wa sẹ uhi Osanobua rae ye otọ, wa na gha lele uhi emwa kẹkan.”