Popular Bible Verses from Mak 1

Share

Jesu keghi ladian vbe owiẹ fioo, vbe ẹdẹ ma he gbe, ọ kegha rrie ehe ne ọ divbiẹ vbe a la hin ore ẹvbo rre, ọ keghi ya na erhunmwu.

Ọ wẹẹ, “Ẹghẹ wa sẹ nẹ nian, Arriọba Osanobua sẹ otọ fo! Wa zobọ vbe orukhọ ne a ru, ne uwa vbe do ya Iyẹn Ne ọ maa yi.”

Ọwarọkpa vbe Jesu wa ke uwu amẹ ladian, rẹn keghi miẹn vbe ẹrinmwi kie ye otọ, Orhiọn Osanobua keghi tuorre yan rẹn, ọ ye vbe idu. Urhu ọkpa keghi ke ẹrinmwi rre wẹẹ, “Wẹ ọrọre ovbi mwẹ ne I ho ẹmwẹ ọnrẹn, ọmwa ne ekhọe mwẹ rhiẹnrhiẹn ghe, ẹsẹsẹmwẹse.”

Amẹ ọre I mẹ ya samẹ ne uwa, sokpan rẹn gha ya Orhiọn Ne ọ huanrẹn samẹ ne uwa.”

Jesu keghi khama iran wẹẹ, “Wa lele mwẹ, I gha ma uwa vbene a ya munọ emwa ne agbọn hẹ.” Iran keghi sẹ ọga iran rae vbe ọwarọkpa nii, iran na lele ẹe.

Unu keghi yan emwa hia ni miẹn ọẹn ye vbene ọ ya ma emwa emwi hẹẹ, ọ ma yevbe iran ni ma emwa Uhi, sokpan ọ kegha ye asẹ ma emwa emwi.