Popular Bible Verses from Matiu 28

Share

Wa bu emwa hia gha rrie ehe hia ne uwa ya gha ya iran khian erhuanegbe mwẹ, wa gha samẹ ne iran vbe Eni ọghe Erha, kevbe Ọmọ kevbe ọghe Orhiọn Ne Ọ Huanrẹn. Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Jesu tama iran wẹẹ, “A rhie ẹtin hia ni rre ẹrinmwi kevbe agbọn mẹ nẹ.

Odibosa nii keghi gu avbe ikhuo ni guan, ọ wẹẹ, “Wa ghẹ gie ohan mu uwa, I rẹnrẹn ighẹ Jesu ne a kan ẹn mu ugbugbe ọre uwa gualọ khian. Ẹ i ghi rre emwa na, ọ rhiọkpaegbe nẹ zẹ vbene ọ khare. Wa larre, wa do ghe eke ne ọ te lovbiẹ yi.

Jesu keghi tama iran wẹẹ, “Wa ghẹ gie ohan mu uwa, wa ya khama avbe etẹn mwẹ ne iran gha rrie Galili, evba iran gha na miẹn mwẹ.”

Avbe igie ohẹn keghi ya gu avbe ediọn do iko ne iran na ke ọta, iran keghi mu igho ọrhẹnrhẹn ne avbe ivbiyokuo wẹẹ, “Wa kha wẹẹ ẹghẹ ne uwa na gha vbiẹ vbe asọn ọre avbe erhuanegbe na rre do do ikun ẹnrẹn mu. Nọkhaemwisẹ gha họn ẹmwẹ na, ma gha ya guee guan vbene ẹko gha na vuọn ne uwa ghẹ fian afianma emwikemwi.” Iran ni khẹ odẹ keghi mu igho ni, iran keghi ru zẹ vbene a tama iran. Erriọ avbe Ju ye ta ẹmwẹ na khian do sẹ ẹdẹnẹrẹ na.