Popular Bible Verses from Matiu 21

Share

Deghẹ wa yayi, emwi ne uwa rhirhi nọọn, ọ gha sẹ uwa obọ.”

Jesu wanniẹn tama iran wẹẹ, “Ne I tama uwa, a deghẹ uwa yayi vbe ne a i na biro eva, wa gha sẹtin ru egbe emwi ne I ru erhan ohọ na re, vbe ẹmwata wa gha sẹtin khama oke wẹẹ, ‘Vbọ uhe ne u ya werriẹ fi uwu okun,’ ọ ghi gha ye erriọ.

Avbe emwa ni ke odaro ne Jesu kevbe ni rre ọre odieke keghi tọn urhu mu kha wẹẹ, “Urhomwẹ nọ ne ovbi e Devid. Afiangbe Osanobua nọ ne ọmwa ne ọ dee vbe eni Nọyaẹnmwa, Uyi nọ ne Osanobua.”

Ọ tama iran wẹẹ, “A gbẹn ọẹn ye uwu ebe wẹẹ Osanobua khare wẹẹ, ‘Owa erhunmwu ọre a gha tie owa mwẹ?’ Sokpan wa ya ẹe khian ẹgun oyi!”

“Wa khama Zaiọn ne okpẹvbo, ọba ruẹ bu ruẹ dee nian. Ọmẹhẹ ne ọ hin ekẹtẹkẹtẹ, ọ hin ekẹtẹkẹtẹ ne aranmwẹ ne a ya kun ihẹ ke ovbi ekẹtẹkẹtẹ ne sọguọsọguọ.”

Jesu tama iran wẹẹ, “Wa ma he tie emwi ne Ebe tae? “ ‘Okuta ne iran ni bọ owa he wẹ ẹ i ma ọre ọ ghi do khian a ma miẹn a i ru. Nọyaẹnmwa ọre ọ ru emwi na, emwi ne ọ yan ọmwa unu uan ọ na khin.’ ”

Jesu keghi gbẹe wanniẹn wẹẹ, “Ne I tama uwa, a gha miẹn uwa Arriọba Osanobua, a ghi rhie ne emwa ọvbehe ni gha sẹtin mọ ọmọ ladian vbe ne ọ kei yi. [