Popular Bible Verses from प्रकाशितवाक्य 7

Share

ऐचे बाद मैं नजर करली, ते ङेखा, हर हेक जाति, ते कोल्‍ल, ते लौक ते भाषा महु हेक इसड़ी बङी भीड़, जानु कुई गेण ना सग़ते। चिट्टी ओढ़णी घाली आले ते आपणे हाथा मां खज्जी चा लड़ीया चले हुले सिंहासना चे सामणे ते मैमणे चे सामणे भिली।

ते बङी अवाजी लारे साङ मारती किहे, “उद्धार वास्ते अम्चे नरीकारा ची जको, सिंहासना उपर ब़ेहला ते मैमणे ची जय-जयकार हो।”

कांकि मैमणे जको सिंहासना चे आधे मां छै वांची ङेखभाल करी, ते जीवन रूपी पाणीया चे सौत्ते चे गोढु गेहती गेले करी, ते नरीकार वांचीया आँखीया महु सारी हींजवे लूहती नाखी।”

येही वजह कनु वे नरीकारा चे सिंहासना चे सामणे छी ते ओचे मन्दरा मां रात-ङिओ ओची सेवा करी ते जको सिंहासना उपर ब़ेहला ओ वांचे उपर आपणा तम्बू तांणी। वे बल्ति भुक्‍के ते तरसेले नी रिहे ते ना वांचे उपर चिटका, ना कुई गरमेस पड़ी।

“जब तक अम्ही आपणे नरीकारा चे दासा चे मत्थे उपर मौहर ना लाती गिहुं बल्ति तक धरती ते समुन्दर ते दरख्ता नु नुकसान ना पुचाजा।” जाये उपर मौहर लाली गेली, मैं वांची गिणती सुणली यानि इस्राएल ची ऊलाद्धी चे सारे गोत्रा महु हेक लख चवालीस हजारा उपर मौहर लाली गेली।