Popular Bible Verses from 1 पतरस 1

Share

अम्चे प्रभु ईशु मसीह चा नरीकारा ते ब़ा चा धन्यवाद हो, जेह्णे ईशु मसीह नु मरले आला महु जीते हुवणे चे जरिये, आपणी बङी दया लारे अम्हानु जीती उम्मीद चे वास्ते नवां जनम ङिला। यानि हमा तम्चे वास्ते स्वर्ग़ा मां वा विरासत मेहली गेली, जाये तम्ही वारिस छिवा। जको ना तां कङी खत्तम हुवणे आली, ते निर्मल, ते ना ही कङी गलणे आली छै।

ते ये वजह कनु तम्ही खौश हुवा, हालांकि जरुरी छै कि हमा कोच्छ ङिहां तक हर-तरहा ची परीक्षा कनु तम्हानु ङोख झेलणे पड़े। ईं ऐवास्ते हुले कि तम्चा परखला आला विश्‍वास जको जाखते मां नाशवान सोने कनु वी घणा कीमती छै, जिसे बेले ईशु मसीह उजागर हुवी, नरीकारा कनु तम्हानु प्रशंसा, महिमा ते कद्दर मिलो।

बल्कि जिंवे तम्हानु हकारने आला नरीकार पवित्र छै, यूंही तम्ही वी आपणे हर कामा मां पवित्र बणा। शास्त्र वी यूंही किहे, “पवित्र बणा, कांकि मैं पवित्र छै।”

आज्ञाकारी ब़ाला आलीकर आपणी ना समझ चे समय ची पुराणी अभिलाषा चे नमूने ना बणा।

ऐवास्ते पुरी ब़ुध्दि लारे चौकस रिहा ते आपणे उपर काबु राखा। ओ अनुग्रह ची पुरी उम्मीद राखा जको ईशु मसीह चे उजागर हुवणे उपर तम्हानु ङिली जाणे आली छै।

कांकि शास्त्र मां लिखले पले, “हर हेक बन्दे खड़ा चे आलीकर छै, ते ओची सारी शोभा खड़ा चे फूलां चे आलीकर छै, खड़ सूखती जाये, ते फूल झड़ती जाये। पर प्रभु चा वचन हमेशा बणला रिही।”