Popular Bible Verses from Hébreux 12

Share

Wa n’anyô tôndéké tôtandaméô na oma ayekani atôbononi. Tambô tôkinédi magumba metso maditéda wa n’anyô gôékea. Tôkina na mabégô metso mabévani matôdipô tsina na tsina kabaga tôkea. Tôtômbé makôdôme gôékea na môkasa, gôédiia gô nzéane ématôtévuni. Tôboneni misome masô n’anyô na nzôô na gôndé Jésus. Bandôa v’ebandô ngu na v’ekôdéô, mitéma miasô n’anyô mindéké te gôndé angô gébé na buétsé. Jésus amasinga mbe oma abôkédé angô va gésumu sowa na amawa te vangô. Owa ava gésumu sowa, te ôwa atsoyi. Tambô Jésus asitanganédé tsoyi nene, ivô amaténdéda gô gényôngage gémakeneo gôndé angô va mbene owa. Deo noo andé digaa g’ôba gô géeyo gémôgôô sagédigaa saNzambé sokumaka.

Gô ndéô ésisédu môma, adéa na pievia éagésisédéô sedi gémenye mbe te ébégô éamôsôba. Tambô va mbene, ône amoongu ndongi gô gésisédéô gémeetsô angô, angadiia mamisôba te gô môdigédie wedi agétabé.

Gényôngani gôédigaa na gétabé n’oma muetso na gôéba na môdigédi ônyôngéô Nzambé. Okô nôsidigaa ganyôngéô Nzambé, akanyô mbe asangeena Kumu Jésus gô mônongoe wanyô.

Gôndé anye, nômbiadôdigaa gô tsina amaguga, n’anye nôgôgini, nômabiadigaadô nane. Ivô kôngédani Jésus gamasipangô gô gékuanô gévôni gémakuanô angô n’oma abévani.

Tôkumédéni Nzambé na yôgiye yasô n’anyô gôébégô wa n’anyô tôngeengéa g’ôkumu amôbô na môbô. Na tôkumédéni Nzambé na gésoo sasô n’anyô gôéyanza éne ényôngéô angô gôémôgobeda na gomo.

Bibédani magugame meenanye gabibéda môma gésisédéô satétedi. Endé te nane. Magugame mane matôtubéda mbe gôndé Nzambé, wa n’anyô tôsaba agenda, tôndé anedi na tôéekédu n’edi. ?Va mbumu oma gôndéké muana asangasisédu na tétedi‐a? Aé, gôsaba.

Menyani mbe Nzambé éasô te soto géyôédani.

Tétee yasô n’anyô yava tsina atôsiséda gô éne étasa ahngô gôétôékéda gô pesu éandéô étôdigaa va tsina. Ivô Nzambé atôsiséda gôétônyepeda gômbe tôngaba n’etsimama évo n’edi éngadigaa wa n’anyô n’edi.

Gôébégô anye, gô ébadi égenyanye na mane mabévani, madeo nôsiyôhu na mangô gamayôhu angô.