Popular Bible Verses from Colosses 3

Share

Bakani n’obibo anyene n’anyene. Okô môvo va gatse anyô abé n’ebégô na môkedi, buedi mbe asingané kokoo anguene n’anguene. Singanéani kokoo gamasingéô anye kokoo na Christ.

Pangani étasa gô mane mag’ôba kaka mane matsengene.

Pati yeyanza éyanzanye, indani éangô na môkasa, ti eembe nôndé gôéyanzéa Kumu Jésus, kaka môma.

Nzambé amanônyôngéô na amanôsevoa mbe nôngaba omedi amôtéma na nôndéké asi mbumu éedi. T’ebandô ényepa gôndé anye gôéba na mitéma miawene mônongo. Nyepedani mônongoe wanyô atsatsee na ngeba, na tsôvé oma, na gôéba gébé na nyemo. Bakani na sekaseka, na môvinéné.

Singani mbe meekédu maChrist masakônda ta n’ebégô évo, maba na gédigaa gô mitéma mianyô. Ikédanani na evédanani anyene na anyene n’ebagé n’eodo. Imbani mimbô na kônda na géembi gôéneegeda na gôékuméda Nzambé na mitéma mianyô mietso gô mane meendiô anye na Nzambé. Gô metso meendanye, buéyé mbe mavovia, buéyé mbe mayanza, indani mangô gô ina aKumu Jésus. Gô inedi nôkuméda Tétasô n’anyô Nzambé.

Va ngongo ametso mane nyepedani mônongoe wanyô n’etondo gôébégô éangô te évamba ékata mitéma mianyô gôéba na vitoo épo.

Nômawa na Christ na nômakunduu gôéba monyovo na Christ. Tambô butani mane mag’ôba gôdigaa Christ gô géeyo gémôgôô saNzambé.

Singani mbe gétabé saJésus‐Christ génôsuméda mitéma. Nzambé amanôbambéa gôévamba gavamba éemé éotô ôvo mbe nôbé na gétabége sedi géne. Kumédani angô.

Singani mbe metso mandé gô mitéma mianyô matsengene mayôhu ti yôhgu. Mangô te gésasô na matasa masagôsagô, na matasa mengéa gô gésasô na makusa te gô gésasô, na tsôvéye dibévani, na ônzôô okiti. G’ônzôô môma andé gôéneegeda ôkiti edi ganeegedu mbumba.

Gô mane matsengene nôndé nômawani. Monyoe wanyô ôndé ômakuégu n’one aChrist gétungu gévo gôndé Nzambé.

Géé deo noo, kinani na viiani ngima mabégôme mane. Mangô te ôpisa na bôvingô, n’obagaa. Nômbiasinga gô miônya mianyô gôkusa mavovia madibuanya na matoki.

Nômbiapatanéa anyene n’anyene. Gôébégô nômamana étsubugéa g’ôtôe wanyô ambeego, ône ômbaka na ésimee éne. Nômamana ébongo wene ôtô na wene mônongo. Nôndé oma atsatsee nôgono na môvangine wanyô, Nzambé. Vootéa anye ékoga gandé amuene nôngootéa dôta émômenya.

Anye amôgôô, nyôngéôni agayanyô n’etondo. Nômbiasemba ahngô tsembô yagékiba.

Anye anéngé, éyanzee émeetsô anye gôégobeda Kumu Jésus te mbe: Gobedani iyee yanyô na tétee yanyô gô mabégô metso ganyôngéô amuene Nzambé.

Anye ageto sugédani anyene gôégobeda omé anyô. Indani nane gôégobeda Kumu Jésus.