Popular Bible Verses from 1 Thessaloniciens 4

Share

Na vane wa n’anyô tôngadenganô tôdônga nyoone, tôngatômbu étepo n’ahngô na gô dibôngé gôéwanya na Kumu Jésus va gatse atsina n’oba.

Gôngookanô mbeea enyanga. Te ôgi apene éasi g’ôba ayanzi aNzambé na gémbômba saNzambé géngatoonguni. Vane amuene Kumu Jésus angasuma g’ôba. Ane amawa andé n’edi na vitoo te ane angapanga ékundugani.

Nôeni éne ényôngéô Nzambé gôndé anye, te mbe nôaaganana na mabégô mabévani gôéba môvo n’edi gô étsimama. Na mbe nôkina minongo mietso miagésasô. Buedi mbe môma na môma akenee na atômé ôtôé wedi amuene n’egoba n’etsimama ényôngéô Nzambé.

Ene éétsa we mitéma miasô gébé na paga, te mbe Jésus amawa na amakunduga. Te mônongovo na we, tôténdéda mbe ane amawa amamôétsa mitéma miaô, Nzambé angakundua ahngô gôéba monyo ga Jésus.

Gényôngani gôédigaa va gatse anyô na gétabé. Bononi na keneani te mane manyene. Yanzani na mogo manyene gôédôngéda yôtô yanyô. We tômani énôongô gô mabégô mema.

Nzambé asisevoa wa n’anyô mbe tôdigaa gô minongo mietso miagésasô. Amasevoa wa n’anyô mbe tôaagané n’ebéva gôédigaa môvo n’edi gô étsimama.