Popular Bible Verses from 1 Thessaloniciens 5

Share

Tsôkéakani gô ndéô yetso. Vovoni na Nzambé gédundé. Kumédani Nzambé gô mabégô metso. Te éne ényôngéo Nzambé mbe nôénda gôndé anye na vitoo na Jésus‐Christ.

Tônyôngéô mbe Nzambé, môsumédi amitéma aaganédé anye gô mabégô mabévani gôénôkoa omedi amatsimamani. Buta mbe vangaviga Kumu Jésus‐Christ nôba gébé n’oési gô mitémamie mianyô, buéyé na gô édidié éanyô, buéyé na gô matasame manyô, buéyé na gô yôtôye yanyô. One amanôsevoani andé na mavôma na asapenganani. Angamangôa éyanzee éedi gô mitéma mianyô.

Keneani kabaga va gatse anyô gôbaka môma eendô ébévani na avénda te ébévani. Ivô indakani gôndé anyene na va gatse akanyô kuka yetso te mane mamisôba.

T’ebandô kasôgédanani na oodedanani anyene n’anyene gô mabégô mema geendanye na mbeego.

Ana aTétee, we tônôongô ndongine mbe: Kenedani asi dakadaka. Sipédani ane adeeda mitéma. Keneani na divooti ane asaba na ngudi. Bakani n’obibô gôndé muetso.

Endé te nane. Nzambé asivangé gôndé wa n’anyô mbe tôngeena ôpisedi. Amavangéa wa n’anyô géobogeo gô ngudi yaKumu Jésus‐Christ mbe sangô gétôyuua g’ôpisa.

Anye oma aChrist nôndé oma andé gô gévede, na oma andé g’ômanda. Nôsaba asi évitsi na oma apitsi.