1 Thessaloniciens 4
4
Môdigédi ônyôngéô Nzambé
1Ana aTétee asi mbumu éaNzambé, nômani émenya môdigédi na ésima éamisôba ényôngéô Nzambé. Na gô pie nôdigaa te gô angô. Ivô deo noo nanôtôma, na nanôgondo gô ina aKumu Jésus mbe, ombani ényepeda mônongoe wanyô. 2Anye nôsabômu ndongiye dimoongô me anye gô ényangee émeetsô me na Kumu Jésus. 3Nôeni éne ényôngéô Nzambé gôndé anye, te mbe nôaaganana na mabégô mabévani gôéba môvo n’edi gô étsimama. Na mbe nôkina minongo mietso miagésasô. 4Buedi mbe môma na môma akenee na atômé ôtôé wedi amuene n’egoba n’etsimama ényôngéô Nzambé. 5Abaké gésingé ôtô edi ôtômu na manyima mabévani gatômu ane asavamba na Nzambé. 6Gô mabégô mema Nzambé asanyôngéô mbe môma abévéda muana aTétee n’edi gôébongo éne ésaba éedi. Tômani énôbeenda na tômani énôevéda mbe, Kumu Nzambé angeeséda ane eenda mônongoe ebéva ône. 7Nzambé asisevoa wa n’anyô mbe tôdigaa gô minongo mietso miagésasô. Amasevoa wa n’anyô mbe tôaagané n’ebéva gôédigaa môvo n’edi gô étsimama. 8T’ebandô ône akina ndongi yedi asakina ôgi amôma, akina te ôgi aNzambé ône ameetsa we Gédidi sedi.
9Nôsabutadô éongu ndongi gôébégô éavitoone éndéké n’ana aTétee asi mbumu éaNzambé. Endé te nane, nômani éékédu na amuene Nzambé gakegea étondo éavitoone éasô n’anyô. 10Anye nôndé n’evamba n’asi mbumu éaNzambé gô tsenge yetso yaMacédoine te nane. Ivô tônôongô mbe, ombani ékôndéga vitoone éndéké n’anyô. 11Gényôngani gôédigaa va gatse anyô na gétabé. Bononi na keneani te mane manyene. Yanzani na mogo manyene gôédôngéda yôtô yanyô. We tômani énôongô gô mabégô mema. 12Okô nôgobedi ndongi yedi nôsangagômbéô sôma, buéyé mbe nôsaba na môma gôénôwedéa. Na dôta ane asaba oma aChrist anganôbono na angamenya gô tsina yamitéma miaô mbe: Na gô pie, gôndéké ébégô.
Kumu JĂ©sus anganika na gĂ´ tsina
13Ana aTétee n’ami tônyôngéô mbe nômenya gakegea ébégôe ane amawani. Vane vangawéô anye nôsangadéa gandé akanyô adéa gébé na éne éténdéda wa n’anyô. 14Ene éétsa we mitéma miasô gébé na paga, te mbe Jésus amawa na amakunduga. Te mônongovo na we, tôténdéda mbe ane amawa amamôétsa mitéma miaô, Nzambé angakundua ahngô gôéba monyo ga Jésus.
15Oôkôni éne énigôa we anye gô mane mameekéda amuene Kumu Jésus. Wa n’anyô tôngadenganô tôdônga gô nyee ônganika Kumu Jésus na gô tsina, tôsangapanga éôbégéa tôtsika ane amawani. 16Gôngookanô mbeea enyanga. Te ôgi apene éasi g’ôba ayanzi aNzambé na gémbômba saNzambé géngatoonguni. Vane amuene Kumu Jésus angasuma g’ôba. Ane amawa andé n’edi na vitoo te ane angapanga ékundugani. 17Na vane wa n’anyô tôngadenganô tôdônga nyoone, tôngatômbu étepo n’ahngô na gô dibôngé gôéwanya na Kumu Jésus va gatse atsina n’oba. 18Kasôgédanani anyene n’anyene gôésumanéda mitéma na mabégô mema.
Currently Selected:
1 Thessaloniciens 4: TSV
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
