Popular Bible Verses from Haheburayi 2

Share

Yoyishi Aye thinda naye gha karire mumayerekero no gha nyandire, gha kona kughamwena awa hana kuyereka.

Thika di ha kara hanu wano yirama nomanyinga, dyo gha karire Naye munu thika wo. Eyi gha yitendire, yoyishi yo gha kara nogcamu dhoyifa, mukumudhimitha po shadipinyi

Pathinu thi, twa kona kutanarera po nongcamu thikuma koyi twa yuvire, maghana mba tu pemukitha.

Yodigho, Aye gha kona kukurikanya nawayendhendi muyoyiheya, eshi gha kare mupristeri Shokuru kughutho waNyambi no mukathin̂eke nomakurupero ghokushemwithanitha mahawero ghawanu.

Oyu tuna kumona ne Jesusi yu ha yenga nodikuto noghufumu, munyima dhokumumbirupitha mukunyanda no payifa yendi, ha mu pitererire haengeli munako dhodhifupi vene. Eshi gha fere waheya pathin̂eke thaNyambi.