Popular Bible Verses from Hakaefesusi 4

Share

Mu kuhake no mu kuferange n̂eke. No mu kuthighererange thika di gha mu thighereranga mwe Nyambi mwaKristusi.

Mukumbirupithe kehe pano, mu kare noghunongo noghudhughutjima no mukudhidhimekerange muruhakitho.

Man̂ando ghomayi, kadi wa kutunda gha shwaghe mutunwa twenu. Mu kone kughamba yoyiwa keho no kushambereritha hanu wahe, thika di yakara muyikara yawo, kate yi wa roghere thiwana hateghereri wenu.

Amwe ne mbadi mwa kona kupata wangu, ngambi kuvundhadhara, mwa tuka endi kushamuna, mbadi mwa kona kutenda thinu thothiyi.

Ngeshi ha mu pata, mwa harura, ene mukuthigherere kughutho ghokuwa diyuwa. Mwa tapa dyango kwaShatani.

Mu thighe ne keho yipara yenu yokare‐kare: mu tundithe munu mumitjima dhenu, oyu yapetha yirumbera yoyimango. Mupepo wenu no yighayara yenu, yikare ghupya. Mu pare yira hanu hohapya, awa gha varekire Nyambi popanungu dhendi mughuhunga ghoshemwa no mughupongoki.

Amwe mu kon̂omeke ghufotji ghu gha mupa Mupepo mukatji kenu eshi, mu kare nothiraro mukatji kenu.

No eyi ne “yoyitapa” eyi “gha taperire Ye” hapostoli haporofeta, ha yuvithe mbudhi dhodhiwa, nawadithi nawakungi nawahongi. Thitambo thendi tha karire eshi, gha roghithere hatawi kuyirughana yawo no thokutenda yirama yaKristusi. Kemo kate mbo tu kakume kughufotji ghoshemwa mumatawero ghetu noyidimuka yaMwana Nyambi.

Po mbo tu dhira kukara shime twanuke no mbadi mbo tu kara yira mangumbi ghokukupingana gha yendahuka‐huka kukehe mupepo, thika hahongi hombango awa hana kupemukitha hamweya mughunya‐nyami wawo. Mbadi kemo, mbo tuna kara muruhakitho mughushemwa no kemo dyo mbo tu kundama kwaKristusi. Aye, gha kara roruheya mutwi.