Popular Bible Verses from Hakaefesusi 5

Share

Yoyi mwa kara hana Nyambi no gha mu haka Ye, yodigho mwa kona kukutha thitamenedhi thendi. Mu pare muruhakitho thika di gha tu hakire karo Kristusi, no papetu gha taperire moyo wendi ghu kare muyambo. Muyambo ghu ne gho gha menyamenyena Nyambi.

Mu koneke thikuma muyipara yenu: mwa kara yira hanu hohathuta. Ene mu kare nomaghano. Mu tende mu kehe nako yinu yoyiwa. Yoyishi, nako dhino tudi ne dhiyi.

Mwa tereranga: yoyishi kuterera ne ko kwareta ghuyi. Eyi ne kadi kemo, amwe ne mu yare naMupepo, no mwimbe pofotji mupisalemi, membo ghomakughero, no membo ghamweya ghokupongoka. Mwimbe membo nomitjima dhenu dhodhihe, kudifumanekero dyaFumu. Mu tumere Nyambi Wihe kehe pano kuyoyiheya muDina dyaHekudyetu Jesus Kristusi.

Mbadi mwa kona kurughanitha, yira hanu hokupira maghano. Amwe ne mu yereke kudimuka yi gha hima Fumu. Eyi ne yo mwa kona kutenda.

Mwarume, mu hake hanu wenu thika di gha hakire Kristusi ngirishe dhendi no gha tapire moyo wendi.

Pakare amwe ne mwadikokore, pashadyarero apa mudi, mwaFumu ne muna kara mwamunyenge. Mu kare yira hanu homunyenge.

Mu kare nomakuyuvero ghofotji. Kemo dyo sho mu fumaneke Kristusi.

Mwakamadi mu kare ghutawedhi kwawatutughuru wenu, thika di mwa kara ghutawedhi mwaFumu.

Ene no kukwenu karo kemo. Kehe yu ghopapenu gha hake munu wendi, thika di gha kuhaka thinda. Namukamadi gha neghedhe ruhakitho kwamundambo wendi.

Mu Yitjanga yemana mo ngeno: Payinu yi katughuru gha thighe hawihe nanyina no gha pare pofotji namunu wendi. Mughuwadi wawo mbo ha kare yira munu yofotji.

No mwa rughana pofotji kwawanu yirughana yomumakokore, eyi ya dhira kureta mbuyo. Eyi ne mu yinyathe.