Popular Bible Verses from 1 Petrusi 2

Share

Yoyishi, amwe karo mwadiko di dyapwa kutorora, mbunga dhoghupristeri dhodhifumu, diko edi gha kupongwera Nyambi kukwendi, diko dyaNyambi thinda, diko edi dya yuvithire yitenda Yendi yomakomweneno, yoyu gha mu tundithire mumakokore nothishe thendi thothitetu.

Aye thinda gha shimbire mirandu dhetu muyirama yendi kuthikurushe. Opo, po twa fera kumirandu no twa tumuka paghuhunga. Payitombo yendi po mwa pwire kwirukitha mwe. Amwe ne mwa yongarire yira ndjwi. Apa no ne muna huka kwaMudithi wenu no mukungi ghomoyo dhenu.

Pakutanga, mbadi mwa karire mwe eshi mwadiko. Ene pan̂anyi‐n̂anyi, mwakadiko dyaNyambi mwe.

Thika di ha shananga hatumbututu wa hana shamuruka dyarero manhwe, kemo sho mu kone namwe kurura manhwe ghomumupepo mwene eshi, mbo mu kone kukukorera papagho no mbo mu wane ruvigha.

Mwahakwa, muno mukaye mwagenda no mwanumaghana. Yodigho na kumutongwera ghumutjokedha eshi, ngo mu yakunuke kuyirumbera yoyiheya. Eyi ne ya pagha vene moyo wamunu. Mu kare roruheya thiwana mukatji kawahayidena, no ku hana kughamba kukwenu eshi amwe ne mwapaghi, awo ne mbo ha kone kumona thitamenedhi thoyipara yenu, no kufumaneka Nyambi mudiyuwa dyondhango.

Mwiye yira mwamawe ghomoyo, ha mu tende ndhugho dhokupongoka. Omu sha kare hapristeri hokupongoka no kuyamba miyambo dhokupongoka, paJesus Kristusi edhi gha menya‐menyenaNyambi.

Mu thighe ne keho yinu yoyiheya yoyimango, mbango dhodhihe difurumeko, nya, no ghuhothi.

Mwiye kuKwendi, diwe dyomoyo, edi ha nyatha hanu. Ene Nyambi gha di torwera kudyango dyodikuto.

Amwe ne muhoro mudi. Ene mwa tenda horo mudifurumeko pakutenda ghuyi. Horo dhenu ne mu dhirughanithe mukukarera Nyambi.

Agha ne mahimeno ghaNyambi eshi, amwe ne mu kone kutenda ghuhunga. Mahurero ne mbo ghana kara koyu ghana kughamba ghuthuta.