Popular Bible Verses from 1 Petrusi 1

Share

KwaNyambi ghoWiha Hekudyetu Jesus Kristusi, ko dya tunda difumanekero dyodihe. Pathin̂eke thendi thothikuru, gha tu pire moyo ghoghupya pamuvumbukero waJesus Kristusi mwawafu. Apa no ne nomakurupero ghomayumi tudi nagho, payiyora yokudhira kupwa no yoghukushuki no yokudhira kwan̂a, eyi ha mu pungwera namwe karo mudiwiru.

Mu shamberere mwe kuyinu yino, ngambi kenge di ghana haka Nyambi kumuyereka munako dhodhimbiru nomayerekero ghomengi. Matawero ghenu gha kara mudyo thikuma kupiterera mangondo, ghokukona kudhongonoka. Ngambi makushwero ghomangondo nagho nomudiro ha gha monanga pakutanga. No ghushemwa ghomatawero ghenu, nagho karo kukona kughuyereka eshi, ghu kare nomakughero nofuma nodikuto kumwiyero waJesus Kristusi.

Mbadi kemo, thika di gha pongoka Yu gha mwitha, kemo sho mu kone namwe kupongoka mumoyo wenu ghoghuhe. Yapwa kutjanga eshi: “Mu pongoke, yoyishi Ame ne na pongoka.”

Ngeshi yamwe mwana hohaturumuthi, mbadi mwa kona kudhemenenitha yipara yenu muyirumbera, eyi mwa karire nayo pakutanga, oku amwe shime mbadi mwa dimuka Nyambi.

Yodigho maghano ghenu, gha kothoroke no gha kare thiwana. No mu tanarithe makurupero ghenu thikuma pathin̂eke ethi mbo mu yerana kumwiyero waJesus Kristusi.

Yitjanga ne ya ninga eshi: “Munu, gha kara thika muhonyi, no ghuwa wendi ghoghuhe, thika mutemo ghomumuthitu, muhonyi, kukukutera no mutemo ghuna kukukumuka ko, ene n̂ando dhaFumu, dhina kukara kuroruheya.” No n̂ando dhino, dhombudhi dhodhiwa edhi ha mu yuvitha.