Popular Bible Verses from 1 Johannesi 2

Share

Mbadi mwa kona kuhaka kaye koyiharura, no yinu yi ka haka kaye. Ngeshi ha haka ghumweya kaye, mbadimo mumwendi ruhakitho rwaWihetu. Yinu yopakaye — no yoyiheya yi gha rumbera munu ghothiharuri, eyi ne yoyi ghana kumona nomeho ghendi no kuyirumbera, ghushwi wendi ghoghuhe — mbadi wa tunda kwaWihetu, ene yapakaye.

Ene kaye noyirumbera yako, yoyihe, mbo yina pu. Ene yu ghana kutenda mahimeno ghaNyambi, mbo ghana para kuroruheya.

Noyu ghana kughayara eshi aye ne muMwendi gha kara, naye gha pare ndani thika di gha parire Jesusi.

Eyi ne yo na kumutjangera amwe, mwanange homwahakwa eshi, mbadi mwa kona kuharura. Ene ngeshi ha harura yofotji ghopapetu, — atwe ne twa kara naJesus Kristusi ghomuhunga no mughambwerire wetu kwaWihe.

Oyu ghokuninga eshi: “Ame ne na mu dimuka,” no mbadi ghana kukara ghutawedhi kumiragho dhendi, aye ne mukambango yo. No ghushemwa ne mbadimo mumwendi.

Ngeshi ha tu kara ghutawedhi kumiragho dhaNyambi, twa kona kuyidimuka eshi twa mu dimuka Naye.

Ngeshi ghumweya ha ghayara eshi, aye ne muthishe gha kara, ene ye gha dhimba muyendhendi, oyo shime gha karera mumakokore.

Yidye ne mukambango, ameshi yoyu gha hamura eshi Jesusi ne kadi yoKristusi. Aye ne mukan̂ore dhaKristusi. Yoyu gha dhira kudimuka Wihe naMwana temba.

Oyu gha dhira kudimuka Mwana, mbadi gha dimuka Wihe. Noyu gha dimuka Mwana, naWihe naye gha mu dimuka.