Popular Bible Verses from 1 Johannesi 3

Share

Mwanange homwahakwa, ruhakitho rwetu mbadi rwa kona kukara pan̂ando no pamiromo keho. Ene twa kona kuruhokora noyitenda yetu, no mughuhunga.

Apa no po sho tu dimukere eshi gha tapire moyo wendi kukwetu. Natwe karo twa kona kutapa moyo wetu kwawayendhetu.

Mu mone kuruhakitho rorukuru oru gha tu neghedha Wihetu: Aye kutoya ghana kututoya eshi twana Nyambi. Ene shemwa yatwe twanendi. No kaye mbadi ka tu dimuka, yoyishi, mbadi ka mu dimuka Naye.

Thiharuri ne gha kara washadipinyi. Yoyishi shadipinyi, thiharuri kutunda kumatangero. No Mwana ne gheyire na gha tundithe po yitenda yashadipinyi.

Oyu gha kara mwana Nyambi, mbadi ghana kuharura shime, yoyishi Mupepo waNyambi mumwendi wa kara. No mbadi gha kona kuharura karo. Yoyishi ye ne mwana Nyambi.

Oyu gha kara noghushwi ghopamuve no mbadi ghana kuthotera kunyanda kwamuyendhendi — ngepi di rwa kona kukara ruhakitho rwaNyambi mumwendi?

Oyu ghokukara ghutawedhi kumiragho dhendi, mwaNyambi gha kara naNyambi ne mumwendi. Twa kona kuyidimuka pano eshi mumwetu gha kara: Yoyishi Mupepo wendi gha tu pa.

Apa no po sho tu dimukere eshi, hadye hana Nyambi no hadye hana shadipinyi. Oyu ghokudhira kupara mughuhunga no ghokudhira kuhaka muyendhendi, aye ne mbadi mwana Nyambi.

Edhi ne dhombudhi dhi mwa yuvire pakutanga eshi: Tu kuhake.

Mwayendhange, mwa tetuka ngeshi ha ka mu dhimbi kaye.