Popular Bible Verses from Matayɔ 11

Share

Ikeni andamɨ, inu, ngʉɓa náɓabɔmbɛ nɔ litumo lɛta ɓuto ɓuto! Ɨmɨ, nanihomoniso homonisoni.

Anabayeni ɨmɨ, ndʉ mombi ngɨa akyɛndakiso uɓei ngʉweno. Ɨmɨ akɛ, niɓio nenu apananakɨa, dɔ ɨmɨ, na iɗo, nɔ kʉ nɔ mʉtɨma wɔ majɨɔ. Nɔ ɨmɨ, nanihomoniso homonisoni.

Dɔ, nɛmɨ akyananakɨa, yangɔmʉ ɓʉkaɨ, nɔ itumo ngɨyɛsɛmɨ nakʉnda nenu atumbiso yangɔmʉ ɓuto kʉɓanɨ. Yakamɛngana, ya siasia.»

Aba ngɨasɛmɨ, a꞉nenjo ɨmɨ yaka ta iɓomu. Nɔ, mombi pɔ mʉngana angɛmbɨa Mwana, yɔɓienimʉ ta Aba ingainga. Nɔ, pɔ mʉngana angɛmbɨa Aba, yɔɓienimʉ ta ɨyɔ Mwana, nɔ tɨa kʉ ɨya, ɨyɔ Mwana akwaisio nayɔ anɨmbiiso ɨyɔ.

Kʉdɔ, Yeso a꞉ɓutosio ɓɔ: «Seni aɓɨa Yɔanɨ yaka ngɨyɛ nánʉka, nɔ ɨyɛ nánɨna. Ɓombi ɓɔ mamɔmɔ ɓanɨna, nɔ, ɓombi ɓɔ majangi akyɛndaka, nɔ, ɓakeɓukeɓu agyaɓanakɨa, nɔ ʉɓa, ɓa꞉dɨkpa machwei anʉka, nɔ, mɨnda ajʉkana, nɔ, ɓajanga ɓanʉka Ɨsaʉ yɛta Iɗo.

Mombi ngɨa anɔ machwei kɔ nʉka yaka, ʉka!