Popular Bible Verses from Matayɔ 10

Share

Kanganɨeni! Nanenu atʉma ndʉ ɓakɔndɔlɔ ati ɔ ɓakwei. Kʉɓanɨ, ɓieni nɔ ɓʉgya ndʉ ɓasɨɨ. Nɔ, ɓieni ɓombi ɓɔ majɨɔ ndʉ ɓanjua.

Mombi ɔhateni aheiso uɓei ngʉwangɔ ɨyɔ makwɔngɔ, aʉyangiso yangisoni. Yakamɛngana, mombi ngɨa ayangiso uɓei ngʉwangɔ akʉʉ asɛmɨ, ɨyɔ akɛ, ɛnɨanɨa nɔ ɓʉhɛa.

Nátɨkwenimʉ ʉɓá akʉʉ ɔ ɓombi. Dɔ, ɓombi ɓeneni ɓawa ɨɓɔ ta ndʉtʉ ɓʉtʉʉ, sɔkɔmʉ pɛpɛ mʉtɨma. Nɔgbɛ, kumeni Asɔɓɨɨ, ngɨa akwanana nɨwa ndʉtʉ, ɨhɔ nɔ mʉtɨma kʉtaa, amati ɔ dyaa ngɨyɛ yangɔmʉ nɔ mupipio.

Mombi ɔtʉmbenimʉ ta mʉsalaba ngʉwangɔ ingono, ɨyɔ, ɔsisekiomʉ aɓio mʉkpata wɔsɛmɨ.

Mombi muɓomu ngɨa, aɓɨnyana apɛɨ wɔ ɓombi ɓɔ, a mʉkpata wɔsɛmɨ, ɨmɨ, na꞊mʉɓɨnyɨa sina ɨyɔ kʉ ɓɨnyɨanɨ, apɛɨ ɔ Aba ngɨasɛmɨ akʉʉ ɔ ɓisi. Yakamɛngana, ndʉ anatata apɛɨ ɔ ɓombi, ɨmɨ, na꞊mʉtata sina ɨyɔ kʉ apɛɨ ɔ Aba ngɨasɛmɨ akʉʉ ɔ ɓisi.

Heiseni ɓombi ɓɔ ɓakaɓu, nɔ, jʉkaniseni mɨnda. Ɓakeɓukeɓu ɓɨgyaɓanakɨa, chweiseni mɨtɨma yɔ madu. Inu, nɛ́꞉nɨanɨa nɔ angu ngɨananɨ akɔ ɨjɨɔ. Kʉɓanɨ, inu, seni akɨa ɓangɛ tɨa kʉ akɔ ɨjɨɔ.

Ɓana ɓɔ ɓanoi ɓapɨnɨ, ɓangɔɓʉgaba ndɨ akɔ mwana ɔ agyɛgyɛ mʉngana? Yakamɛngana, pɔ mʉngana ati eɓo, angɔkwamʉ aɨsɨ, Atɔ eno ɔbayenimʉ. Gʉtʉ ta ndii yɔ mɨtʉ ngɨyeno, Asɔɓɨɨ aɨpoo ta iɓomu ɓɔ sɛ. Ɨnadɔ, akɔ Asɔɓɨɨ, inu, ingainga nánɔ ɨjangɨa achana ɓana ɓɔ ɓanoi ɓaja! Kʉɓanɨ, nátɨkwenimʉ ʉɓá, nɔ ɨkyɛmʉ pɔ mɛngana.

Ná ndɨ atunguo ɓɔ nɛ꞉ka aninjo majɨɔ adɔdɔ aka? Ɨmɨ, nɛ꞉kamʉ aninjo majɨɔ, yakamɛngana, nɛ꞉ka adʉaniso ɓombi, amaana ati eɓo!